اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
07-Sep-2007, 10:38 PM | رقم المشاركة : 1 | |||
|
توصيف الطريف من الدوادمي وأنت رايح لموقع المزاين ..
..
.. .. .. .. :: . . . . السلام عليكم ورحمة الله وبركاته ... يالربع رحت من عفيف >مروراً >بالبجادية > مروراً > بالدوادمي .. وأنا رايح للرياض .. قلت أمر الموقع أشوفه وأتفرج على المشاريع الجارية ... بس مادلّيت ((تهت)) مادري وين المفرق الللي يودي لموقع المزاين ... تعديت قصر ابن جامع وألد يمين وشمال لا والله ماحولي عرب .. مدري وين مفرق المزاين بالضبط وخليت الموتر على اتجاهه >>الرياض .. اللي يعرف المفرق بالضبط يعطيناه مشكور .. |
|||
|
|
07-Sep-2007, 10:49 PM | رقم المشاركة : 2 | |||
|
الموقع على ماعتقد ماهو بطريق لبخه وحويته
الموقع بين الدوادمي وشقراء يعني تعدا الدوادمي مرور بالقرنه يعني لاتلف يمين لديرة بن جامع امش على سنعك لشقراء اتجيك المحمديه اهي عندها بس مادري بالضبط وين تحياتي |
|||
|
|
07-Sep-2007, 11:08 PM | رقم المشاركة : 4 | |||
|
الطريق واضح وانت طالع من الرياض امسك طريق القصيم الين يجيك كبري بنبان خذ يسار مع الكبري متجهه غرب يجيك حرف تي خذ يمين مروراً بسلطانه تجي على يمينك خلك ماسك الخط على طول تجيك حريملاْ ابتل سيدك طبعا تر مرورا بالقصب بعدها شقراء من شقراء اطلع في اتجاه الدوادمي ابتل سيدك لين تجيك نفود السر بعد النفود على طول لف يسار مباشره تقريبا ثلاثه كيلو تلاقي الموقع @@@@@@@@@@ ونت جاي من عفيف ابتل سيدك بعد الدوادمي ثم المحمديه بعدها نفود السر قبل تطلع النفود خذ يمين تشوف الموقع قدامك تقريبا ثلاثه كيلو
|
|||
|
|
07-Sep-2007, 11:48 PM | رقم المشاركة : 5 | |||
|
بيض الله وجهك الأخصائي على التوضيح وماقصّرت .. يعني كذا أشوف المخيم الرئيسي والموقع وأنا مافرقت (كذا صح) ...
لاهنتم |
|||
|
|
08-Sep-2007, 12:24 AM | رقم المشاركة : 7 | |||
|
صح مايبيله توضيح عندكـ أنت ونا خووووك لأنك بجنب المحمديه ولاحلالك بجنبها وكل يوم وأنت تعاين فالبوكلينات والشيولات الي تحفر وتردم .. وتحسب كل الناس مثلك بالتمام ((يعرفون الموقع)) عند المحمديه..
أعذرني .. تراي تعبان وأنا أدور على موقع المزاين أبي أشوفه بعيني وكل مانشدت واحد قال مثل قولك .. ياخوي سهل عند المكان الفلاني.. إلى أن قاموا الأخوان بالتوضيح .... لاخلا ولاعدم .. وإن شاء الله راح أزوره قريباً .. لأني دايم أطلع جهة ابن جامع .. بس خلاص... |
|||
|
|
08-Sep-2007, 12:47 AM | رقم المشاركة : 9 | |||
|
عصيمي نت حياك الله وشرفت الموضوع ونا خوك ومادامك تعرف الموقع وأنت رايح من الدوادمي للرياض .. فعلاها كبر رأسها .. أشلى من اللي مايعرف ..
دمت بود وتحية واحترام.... |
|||
|
|
08-Sep-2007, 12:49 AM | رقم المشاركة : 10 | |||
|
الموقع واضح جداً إذا طلعت من الدوادمي بإتجاه الشرق مع طريق الرياض أبتل لا تلف لا يمين ولا يسار متجه إلى شقراء ثم بعد ماتعقب المحمدية بحوالي 5كلم تقريبا أنظر يمين تشوف الموقع جنوب عن الاسفلت قبل نفود السر ترى فيه طريق مردوم للموقع الرسمي للمزاين ويمكن يعمل له أسفلت
|
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|