مناشدة الشــــــــــ قبلان ــــــــــــــــــراري

[مقبول الشيباني]

من هاجس هلت مزونه على شان = رجل من عيال القبائل سعودي
رجل طريح السجن مابين جدران = ومكلبشن ومحجزن بالقيودي
لعبه الشيطان واليوم ندمان =ويقول ياليت العوافي تعودي
يالربع محدن جاهلن وضع بدهان = في حال مايحسده فيه الحسودي
والحاله اللي بين حاكم وسجان = الهم فيها كل يومن يزودي
وانا بناشد كاسب الطيب قبلان = من منبرن للشعر اببعث نشودي
ولاهوب قولن من فلان وفلنتان = من شاعرن يقدر يحشد الحشودي
ونا بسم شيبان وعيال شيبان = قبيلتن فالضيق تبر الكبودي
انخاك واطلبك العفو ياكحيلان = تعتقه قبل يحط وسط اللحودي
وبعتيبه الهيلا نسوق الك طلبان = ونقول تكفى ياعريب الجدودي
برقا وروق مرجحت كل ميزان = جتلك تبى الصلحه كبار الوفودي
وشمر وذي وايل وحربن وقحطان = جولك على سلم النشامى ورودي
ومطير والمره ويامن وعجمان = قالوا على قبلان لا ماتكودي
وبقوم والحرث شلاوى وسبعان = تبغاك تكسب كل فعل محمودي
وبلحمر وبسمر وغامد وزهران = تبذل على رضواك كل الجهودي
وكل القبائل بين حضرٍ وبدوان = فخوذ وايضاً من كبار البدودي
يبغون سمحة خاطرك وانت كسبان = اجرك ترى ماله قياس اوحدودي
ونا بعد ماشفت فالساحه انسان = اللي دموعه مغرقات الخدودي
ضيق علي الصدر واصبحت زعلان = وحلت من الضيقه بقلبي رعودي
عودن يعيش الحزن بشكال والوان = وينخاك تكفى ونت منت بجحودي
ابو السجين اللي عليه العنى بان = يبغى الولد له يالشراري يعودي
يقول هذا اللي بقى ماله اخوان = ويقول تكفى لاتزود نكودي
يابن العتيقي وانت للطيب عنوان = ولاعنك ياقبلان مره محودي
وقف دموعن شققت حمر الاوجان = من كثرها تملا كبار السدودي
ونا اعرفك من نسل ذربين الايمان = والمدح فيكم مايباله شهودي
قومن لكم صولات في ماض الازمان = في عصر يضهر جيده والشرودي
اعتق ولد شمر ولنته بخسران = الاجر فالك ياقوي العضودي

التوقيع

Mqbol_778@hotmail.com صفحتي على التويتر https://twitter.com/#!/mqbol778

[ناصر الحافي]

مقبول الشيباني صح لسانك وبيض الله وجهك
ولانستبعد على قبيلة عتيبه والشيابين خاصه هذه المبادرة الطيب لفعل الطيب وكسب الاجر
رفع الله قدرك وانشالله يعفي قبلان الشراري عن بدهان الشمري

[مرزوق حمدان العتيبي]

..
.
شاعر المواقف
.. مقبول الشيباني
.. صح لسانك ... وشعور انساني غير مستغرب..
.... لاهنت ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مقبول الشيباني]

المشاركة الأصلية كتبت بواسطة ناصر الحافي

مقبول الشيباني صح لسانك وبيض الله وجهك
ولانستبعد على قبيلة عتيبه والشيابين خاصه هذه المبادرة الطيب لفعل الطيب وكسب الاجر
رفع الله قدرك وانشالله يعفي قبلان الشراري عن بدهان الشمري

-------------------------------------------------



صح بدنك وبيض الله وجهك ياناصر لاهنت يالقرم

[أبو نجر النفيعي]

,,

,

الشاعــــر : مقبول الشيباني ..

قصيدة رائعه وجزله ومؤثره جدا ,,

وصح لسانك عليها ..

,,

,

التوقيع

.....

[مقبول الشيباني]

المشاركة الأصلية كتبت بواسطة مرزوق العتيبي

..
.
شاعر المواقف
.. مقبول الشيباني
.. صح لسانك ... وشعور انساني غير مستغرب..
.... لاهنت ....

---------------------------------------------------
[font=Times New Roman][color=00008B]لاهنت يالذيب مشكور وبيض الله وجهك[/color][/font]

[فيصل المسعودي]

صح لسانك يامقبول


وغير مستغرب منك هالشعور الانساني


تقديري لك

[أبن مسلم]

صح لسانك يامقبول


وغير مستغرب منك هالشعور الانساني


تقديري لك

[شقران الأساعده]

الله يجزاك خير شاعرنا مقبول والله ايكثر من امثالك ونرجو من الله ان يلين قلب قبلان وان يصفح ويحتسبها عند الله

[مقبول الشيباني]

المشاركة الأصلية كتبت بواسطة أبو نجر النفيعي

,,

,

الشاعــــر : مقبول الشيباني ..

قصيدة رائعه وجزله ومؤثره جدا ,,

وصح لسانك عليها ..

,,

,

------------------------------------------------------

كل الشكر يبو نجر وبيض الله وجهك يالقرم لاهنت