لاعادها دنيا تجيب العذايب

[بدر الغبيوي]

السلام عليكم ورحمة الله وبركاته

جربتها ياخوك طعنات القرايب = في ضميري تلتهب وابها تشرقت
سمت بي الويلات دون العرايب = وغربت أنا من هم صدري وشرقت
كني ياخوك اليوم نظرات شايب = يرجي عياله وبدموعي تغرقت
لابه ابو يسمعك فوقه نصايب = ولابه اخو يسندك لامن تردمت
صحيت من غفلات عقلي وتايب = عن طلبت المخلوق عنه تشيمت
قبل المطر دايم به اعصار هايب = وقبل الغدر قدمت واوفيت واحكمت
لكن ياخوك الحال صارت عطايب = تسود ابي دنياي يومي تفكرت
صفيتهم بحساب راعي الحسايب = وانقدتهم نقاد واثق ولااحترت
تدري ياخوك اني فقدت الصحايب = جمع ( ن ) من الخلان ياكود عددت
ضحكت من صفقات دهر العجايب = وضربت أنا يمناي وبالحيل رددت
لاعادها دنيا تجيب العذايب = بالرخص أنا بياع وبالرخص جنبت
شاري أنا نهر ( ن ) من الشهد ذايب = كوثر نبي الله بشربه تحلمت
وجنة هل الفردوس حور الترايب = ولاسمع سوى تسبيح لامن تسمعت
درس ( ن ) من الدنيا عضيم الطلايب = وياما من الدنيا دروس ( ن ) تعلمت