الخيل قفّـت يـوم عنتـر وشـداد****وابـن رشيـد والعواجـي نـعـدّه

[ولد السناعيس]

الشاعر قناع بن ناصر القناع البرجس

قال الذي في بـدع الامثـال يـزداد = من منهله صاغـه وزيّـن مشـدّه
ويشفق على الجزلات عن كل نقـاد = ويصوغها وردٍ عـن ابـوه وجـدّه
ينقض بيوت ٍ ولا اشتهى البيت عقاد = ولا اقول انا الكامل على كـل بـدّه
قريـت بالصفحـه بيـوتٍ لقصـاد = بالخيـل قايلهـا يــودّه مــودّه
الخيل قفّـت يـوم عنتـر وشـداد = وابـن رشيـد والعواجـي نـعـدّه
وراكان وابن حميـد وقـروم الاولاد = يوم الظفر قبلـي يتعشّـه ويتغـدّه
وهايس ذيب الخيل ومقعد وعيـاد = هم والدويش ايضا العطاوي وضـدّه
ناس على الموت الحمـر دوم وراد = من فـوق قـب ٍ للطـرد مستعـدّه
ولو قلت فريّسه كثير علـى العـاد = وسط الجزيره واطرف السيف حـدّه
والخيـل ماسبّـه ولانـي بجحـاد = لاشك راحـت مـع وقـوت ٍ نعـدّه
حلاة ركب الخيل في وقت الاجـداد = يوم الظفـر ماهـو بنـوم المخـدّه
لو رحت في خيلك على القوم هـداد = ماتنفعـك مـدفـع وراك ومـعـدّه
الخيل تنفـع يـوم طـارد وطـراد = ماهي (بسكبـات) مـع المجرهـدّه
واليوم للموتر مـع الخـط سـراد = ومدفـع وطيـاره لعـزه تـصـدّه
قلت حقيقـه مابهـا زيـف وعنـاد = من وقتنا الحاضـر وانـا مستمـدّه