سلطان الجلاوي .. و منيف المنقره

[فيصل بن فهد الجهني]

هذي المحاوره :






سلطان الجلاوي
يا منيف لا تطلع من حدود الادب .. تراك في محفل بعيدين النظر
و اليا جهلت حضورنا ليلك سرا .. واللي عقد روس الحبال يحلها

ابنشدك يا منيف قدام العرب .. يا منيف وش تطلب من الشاعر سفر
في كل ليله و انته ترد البرا .. واللي عقد رووس الحبال يحلها



منيف المنقره
خابر عتيبه تردع الرجل ان كذب .. و انا خطر بالحيل و عتيبه خطر
وش به الجلاوي ما يكب الافترا .. واللي عقد رووس الحبال يحلها

سفر ولد بطران واشوفه شنب .. لا يعتذر مني ولا منه اعتذر
ولا انت دقة سلف رجعها ورا .. واللي عقد روس الحبال يحلها



سلطان الجلاوي
الراس لا يمكن انه يعود ذنب .. فالمملكه يا منيف ولا في قطر
اعلمك واعلم اللي ما درا .. واللي عقد روس الحبال يحلها

ان كانها وصلت ليا درب النشب .. ابا اسمك بالبطن ولا بالظهر
في ذمتي ملبسك يا ثوب العرا .. و اللي عقد رووس الحبال يحلها



منيف المنقره
يا اللي تشب النار لا تصبح حطب .. لا ياصل العداد للخط الحمر
و ان هبت الارياح دور لك ذرا .. واللي عقد رووس الحبال يحلها

من دور النكبات يبغى ينكب .. و ابو بكر حط الخلافه مع عمر
حنا عقلنا و انت ترجع للزرا .. واللي عقد رووس الحبال يحلها



سلطان الجلاوي
النار شبت لك و طح يا ابو لهب .. برضاك ولا يا السنافي بالامر
في ذمتي ما تصلح الا في كرا .. واللي عقد روس الحبال يحلها

يا منيف لا تقعد تفتل بالشنب .. ذبحتك عني كنها ذبحت جفر
انته بليا ريس ولا امير اومرا .. واللي عقد رووس الحبال يحلها


منيف المنقره
انا حسبتك و انت ما انته منحسب .. تعيش ثم تموت وانته منقهر
تبغى الثريا و انت من تحت الثرا .. واللي عقد رووس الحبال يحلها

توي دريت انك تحكحك من جرب .. و ان جيت للغارب و بالغارب دبر
يبغى يحق الحق و الجاري جرا .. واللي عقد روس الحبال يحلها



سلطان الجلاوي
تقولها و انته يا لله العجب .. ما لك فضل يا المنقره ولا شكر
انته على ما قيل يطمسك الغرا .. واللي عقد رووس الحبال يحلها

حنا ليا اخذنا سريعات الندب .. نصبر بها بأمر الله الطايش صبر
و السوق كله صار بيع ومشترا .. واللي عقد رووس الحبال يحلها


منيف المنقره
زاد الجلاوي سرعته ثم انقلب .. و الله يعلم هو رغا ولا هدر
والجرح توه بالضلوع ولا برا .. واللي عقد رووس الحبال يحلها

الله يفك العين في رمش الهدب .. دور لها درب و تحصل منحدر
والمنبر الاقصى يجيبه منبرا .. واللي عقد رووس الحبال يحلها



سلطان الجلاوي
انته نصيبك رعدتن وسط الركب .. مدري غضب ولا فرح ولا سهر
تنقل صميلك فوق كتفك و انثرا .. واللي عقد رووس الحبال يحلها

[فايز بن سرحان الثبيتي]

محاورة خااااويه على عروشها "

ماقصرت يافيصل على النقل



الجلاوي قام بدوره المعهوود \ والمنقره يقول انه عقل هههههه

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[الشوردي]

طاروق على المكشوف بين الشاعرين الله يوفقهم

[فهد الشيباني]

يعطيك العافيه يافيصل

الكلمه الطيبه تراها ماتكلف احد ( يابن سرحان )



لاهنت

[فيصل بن فهد الجهني]

المشاركة الأصلية كتبت بواسطة فايز بن سرحان الثبيتي

محاورة خااااويه على عروشها "

ماقصرت يافيصل على النقل



الجلاوي قام بدوره المعهوود \ والمنقره يقول انه عقل هههههه

الله يسسلمك . يا ابن سرحان


ولا هنت على مرورك


و لكن وش دور الجلاوي المعهود طال عمرك ..!؟

نبي نستفيد منك

[فيصل بن فهد الجهني]

المشاركة الأصلية كتبت بواسطة الشوردي

طاروق على المكشوف بين الشاعرين الله يوفقهم

لا هنت على مرورك

[فيصل بن فهد الجهني]

المشاركة الأصلية كتبت بواسطة فهد الشيباني

يعطيك العافيه يافيصل

الكلمه الطيبه تراها ماتكلف احد ( يابن سرحان )



لاهنت

الله يعافيك يا الشيباني


و لا هنت على مرورك

[وافي ضاوي]

لاهنت يالجهني

على متابعة ابوصاهد وصح لسانه ولسان منيف

هذي بعد محاورة قطر الي حصل فيها الموال التعجيزي على قولتهم بين منيف وسفر






اشوف بعض الرود معهم معهم عليهم عليهم


ياليت الواحد يقول خير ولا ..

[برق شمالي]

يازين أبيات منيف زيناااااه


شكرا لك يافيصل ... الله يعطيك العافية

[محمد الذيابـــي]

لاهنت يابو فهد


مشكور يالغالي

التوقيع

التوقيع محمد الذيابـــي