الكبر والزود

[عز الرفيق]

الله الله

طاروق ووجهة نظر واقرب شاعر

لقينا المعرفه في دروس الليال السود=بعد علمتنا نص الاصحاب وشلونه
انا شوف بعض اصحابنا فيه كبر وزود=ولو جت على المكشوف حبته مطحونه

[عبد العزيز العبدلي]

عز الرفيق اعجبتني البدعه واسمحلي

لقيتوا لقيتوا مير ما نعرف المقصود=ليا حولت من راس جده ليا امتونه!!
صحاب الوجيه السود تبقا وجيهن سود=ولو كبرت الشجره والأرزاق مضمونه!!

[عز الرفيق]

لقينا وعلمنا بعلمن عليه شهود =هذا وضعكم ياصحابنا اللي تعيشونه
منول يقال الجود دايم من الماجود=ونا اقول وقتن راح لا يمكن تعيدونه

[عبد العزيز العبدلي]

المشاركة الأصلية كتبت بواسطة عز الرفيق

منول يقال الجود دايم من الماجود=ونا اقول وقتن راح لا يمكن تعيدونه

اخوي عز الرفيق

فيه خلل في الشطر الثاني الله لايهينك

واعتقد انك تقول

وانا اقول وقتن راح يمكن تعيدونه )

[عز الرفيق]

اخوي عزيز العبدلي

انا اقووووووول لالالالالالالا يمكن تعيدونه

[عبد العزيز العبدلي]

برق ياعز الرفيق

الوزن زايد في الشطر الثاني

واعتقد الخلل في حرف ال (لا)

اصلح الخلل وخلنا انكمل الطاروق

[عز الرفيق]

هههههههههههههههههه

عزيز برقنا وبرقنا ولا لقينا خلل
لكن حاول تلحنها اللحن الصحيح

ونكانها مشكله عليك غيرنا البيت كله

منول يقال الجود دايم من الماجود= وهذا الزمان اللي مضى ماتعيدونه

[عبد العزيز العبدلي]

طيب يا عز الرفيق مامن مشكله

وألا يا رجل ياللي تباعد هبوب النود=عسى الله يبقي رمش واحد على اعيونه!!
وأثر حظي المقرود يبقا ليَه مقرود=ولو أكثر احظوظ العرب دوم مصيونه !!

[عز الرفيق]

كثير العرب لو يعجب العين مامن فود=لكن بعد هاذي قلنا وش تسمونه
ترى حظك المقرود لا حك عودن عود=تمنيت لو كلمتك فالصدر مدفونه

[عبد العزيز العبدلي]

كثير العرب لو تبذل الجهد والمجهود=تساوت ريالاته كما جمع مليونه!!
وألا يالدروب اللي مساليكها ممدود=عسى من مشا فيها يعوّد على هونه!!