لقينا المعرفه في دروس الليال السود=بعد علمتنا نص الاصحاب وشلونه
انا شوف بعض اصحابنا فيه كبر وزود=ولو جت على المكشوف حبته مطحونه

لقيتوا لقيتوا مير ما نعرف المقصود=ليا حولت من راس جده ليا امتونه!!
صحاب الوجيه السود تبقا وجيهن سود=ولو كبرت الشجره والأرزاق مضمونه!!

لقينا وعلمنا بعلمن عليه شهود =هذا وضعكم ياصحابنا اللي تعيشونه
منول يقال الجود دايم من الماجود=ونا اقول وقتن راح لا يمكن تعيدونه

المشاركة الأصلية كتبت بواسطة عز الرفيق (المشاركة 1055223) منول يقال الجود دايم من الماجود=ونا اقول وقتن راح لا يمكن تعيدونه

منول يقال الجود دايم من الماجود= وهذا الزمان اللي مضى ماتعيدونه

وألا يا رجل ياللي تباعد هبوب النود=عسى الله يبقي رمش واحد على اعيونه!!
وأثر حظي المقرود يبقا ليَه مقرود=ولو أكثر احظوظ العرب دوم مصيونه !!

كثير العرب لو يعجب العين مامن فود=لكن بعد هاذي قلنا وش تسمونه
ترى حظك المقرود لا حك عودن عود=تمنيت لو كلمتك فالصدر مدفونه

كثير العرب لو تبذل الجهد والمجهود=تساوت ريالاته كما جمع مليونه!!
وألا يالدروب اللي مساليكها ممدود=عسى من مشا فيها يعوّد على هونه!!