ياسخيّف الذرعان مانيب مرجوج

[أبو فيصل]

السلام علاكم

مساكم الله بالخير ياعتابه

واحب أطرح أول مشاركة لي في منتدانا منتدى الهيلا وأتمنى أنها تحوز على رضاكم

هذي القصيدة للشاعر الكبير بندر بن سرور

قالها لبنت عمّه

يوم دق الباب وردت .... من ؟!

قال: انا بندر.

وثمن سألها ابوها وقال : من يابنت؟!

قالت: بندر المرجوج

وبعدين قال هالقصيدة

ياسخيّـف الذرعـان مانيـب مرجـوج=رجـتـنـي الأيـــام بغدرً و حـيـلـة
يابنت لولا اللـي علـى تاسـع الفـوج=تـركـت نـجــد وعـزوتــن بالقبـيـلـة
لاشـك حادينـي علـى نجـد هيجـوج=مسقـي الفيافـي ليـن يــدرج مسيـلـه
تركي ليا مـن البـلاوي غـدن عـوج=حــمــل عـتـيـبـه كـلـهــا ماتـشـيـلـه
يرسي كما مينا البواخر على الموج=ومنـيـن مـاصـكّ الـبـحـر يرتكـيـلـه
مــادام تـركـي حــيّ مــاودّي ادوج=وان غاب غبت من الرجوم الطويلة

وتحياتي لكم

[منصور بن فهيد]

مادام تركي حي ماودي ادوج وان غاب غبت من الرجوم الطويله
الله الله الله مشكوووووور اخوي وولد عمي فهد الشيباني وعزلله انك اصبت يوم اخترت القصيده ويعطيك العافيه على جهدك المبذول




منصور عايض الشيباني

[أبو فيصل]

منصور بن عايض الشيباني والله والنعم والسبعة انعام

يشرفني مرورك ياولد العم

التوقيع

لا إله إلا أنت سبحانك إني كنت من الظالمين

[((الدلبحي))]

تسلم تسلم
بدايه مشرفه
مشكور يافهد ويعطيك العافيه

تحياااااااااااااااااتي

[أبو فيصل]

الله يعافيك ويشرفني مرورك يالدلبحي

[ابن مشيب]

قصيدة رائعة من شاعر بحر وهو متنبي عتيبة بندر بن سرور رحمة الله


لاهنت يافهد

[أبو فيصل]

يعطيك العافية على مرورك يابن مشيب

[إبن مفلح]

تسلم يمناك يافهد ... ورحم الله متنبي عتيبه واسكنه فسيح جناته ..

لاهنت ...



تحياتي

[أبو فيصل]

يعطيك العافية يابن مفلح على مرورك

[نايف الطير]

العزيز / فهد الشيباني ..


نقلك للقصيدة والقصة كان ولاأروع ،، ويعطيك مليون مليون عافية...


بس أنا عندي ملاحظات بسيطة لابد من إعلانها وأنا على ثقة أنك ستتقبلها بسعة صدر...


لأن متنبي عتيبة -رحمه الله رحمةً واسعة - يستحق من أبناء قبيلته كل الإنصاف ..وحقه علينا -على الأقل- أن تكتب قصائده بالضبط كما قالها ..


بدايةً أود أن أضيف إلى ماتفضلت بذكره عن القصة ،، أن البنت هي كريمة الأمير /تركي بن ربيعان (رحمه الله)،،

وأنها قالت((بندر المرجوج)) ،، لأن المتنبي عرف بقوة طرقه للباب دائماً ..


أما بالنسبة للتصويبات-وربما لاأكون على صواب 100%-آ التي أراها فهي كالآتي:

(1) (سخيّف) ،،، وتصويبه (سهيّف)

(2) (رجتنـي الأيـام بغـدرً و حيلـة) ،،، وتصويبه (رجتني الأيام جتني بحيلة)

(3) (هيجـوج) ،،، وتصويبه (هيدوج)

(4) (حمـل عتيبـه كلهـا ماتشيـلـه) ،،، وتصويبه (حمله عتيبة كلها ماتشيله) //أي حمل الأمير// وهو خطأ شائع للأسف

(5) (يرسي كما مينا البواخر على الموج) ،،، وتصويبه (يرسي كما ترسي المواني على الموج)



وختاماً ،،، أشكر للأخ فهد نقل هذه القصيدة التي يعتبرها الكثيرون من عيون الشعر ،، والله من وراء القصد...


أخوكم ___ نايف الطيــــر