[سرحان 511]

.

..

الله يهديك يابن المحايا ما ادري على اي اساس

قلت بان هذه اخر محاوره لحبيب والرياحي

مع انها اول محاوره يختلفون فيها وكان اخر بيت للرياحي

يوم يقول:

ماتعرف الرجال ولاتجي منزلتها ***انسدح وانثبر في خيمتك يالخلاوي

بعدها غير الرياحي يطلب مستور بدون اذن من حبيب

ومر بجوار حبيب وقال نسيت اللي قبل شوي ( يقصد البيت يعني استفزاز)

وكان متطمن لانه غير ويحاول يستفزحبيب

فقام حبيب وقال:

ماتعرف الرجال ولاتجي منزلتها ***طول عمرك تسوح مثل كلب القهاوي

بعدها غير حبيب وجاب بيتين تحدي للرياحي والحضرمي لانهم كانو يسعون لاطفاء توهج حبيب

والبيتين هي

سار القدم حسب الطلب والدرب عيا لايشاف***متى يشاف الدرب واللي فيه يسري كيف سار

صار اختلاف في العرب والسالفه فيها اختلاف***فيها اختلاف ومشكله لكن مدري ويش صار

فقال الرياحي هذي تعجير واقدراجيب منها عشرين بيت

قال حبيب ما ابغى عشرين بيت ابغى بيتين

ورد الرياحي برد خاطي

وردد بيته حوالي عشر مراته محاوله لتعديله لكنه عجز وقام مستور وغير بطرق جديد

وكل ها الكلام موجود في الشريط والكلام الداير بينهم واضح كل يسمعه

بعدها باسبوع صالح العصيمي بينهم ولعبوا حوالي 7 سنوات ثم توقفوا

بسبب لايعلمه اغلب الشعار لكن الروايه الاكثر شيوع

ان فيصل ارسل بيت في الجوال لحبيب ورد حبيب ببيت

وحرم احدهم انه مايلعب مع الثاني لهذا السبب

رحم الله فيصل واطال ف عمر ابا فيصل

.

..