العمــــــدة
صدور أهل الحجاز اللي مطاولها العنا والضيق=بحقنة فالـــوريد اللي هـــــــداها الله نوسعـــها
عشان تشيل من صكات بقعاء كبر ضلع طـويق=وميلات الليــــــــــالي لو تــــوالى ما تلــــوعها
*النجـــــم*
صدور أهل الحجاز موثقه خزناتها توثيق=جبال راسة يصعب على مثلك بيطلعها
وأنا ماهمني هرجة من الجاهل ولا تعليق=عراقيب السباع ليا نويت القنص أقطعها
العمــــــدة
لعل المزنة اللي لاح بارقها تبـــل الريق=قبل هوج الرياح اللي تسوق السحب تدفعها
قصيفين المدى حتى مع الرومان والاغريق=خبرهم منتشر وقلوبهم تشكي مواجعها
*النجـــــم*
ليا منك سمعت الرعد لو تغشا ولو تفيق=ترى لقمتك لوهي جوف حلقك صعب تبلعها
ليا قاله المولى نفرق جمعكم تفريق=كثير من العرب ترتاع ثم اتطيح بربعها
العمــــــدة
حوار القوم ما نرجي له الا الخير والتوفيــق=لو تحوفه جماميل السعد ماهوب مشبعها
صلاة الله على محمد ورضوانه على الصديق=ترى مافيهم اللي شال امانه ثم ضيعها
*النجـــــم*
الا يا طاير ياللي ودك اتشق السما تحليق=ترانا خابرين ديارك ونعرف مواقعها
أنا قررت أحيل العمدة المذكور للتحقيق=يقولون العرب بعض المشاهد ما يوقعها
العمــــــدة
مواكير أشقر الجنحان يقصر دونها البطريق=حقيقة واضحة لابد يقراها ويسمعها
ابو قرشين ما يلفت نظر في مركز التسويق=بضاعة بايرة في دولة التايوان مصنعها
*النجـــــم*
حقيقة يا جماهير الشعر يستاهل التصفيق=طبيعة في كثير من البشر ساعة توادعها
ابو وجهين ضيع حكمته في مركز التطبيق=بضاعة فاسدة والعمده الليله يوزعها