هاض صدري يوم مريت المحازه + وانتحى والنار والغربي يسوقه
وارد اليابان ماظلل قزازه + سائقه مشتاق والمسرا يشوقه
يوم صافح نجد وابعد عن حجازه + مثل طير(ن) تو مافكت سبوقه
غير شوف الزين مالي فيه عازه + وشوفتي بيته ومدهاله وسوقه
ليت هرجة من نبي شوفه مجازه + كان راع الحق ماضاعت حقوقه
شب في وسط الحشاء ناره وقازه + لي ثمان سنين والكبد محروقه
قلبي اللي بالهوى طال احتجازه + اجتلد والنوم عيني ماتذوقه
والهوى راعيه مافاد احترازه + لو يغض الطرف مايسلم خفوقه
نايف قزعان الحويماني