بسم الله الرحمن الرحيم
المجلس اللي يجلب الهم راعيـه=خله ولو تعجبـك حمسـة دلالـه
خله ولو انك على الكبـد تغليـه=واللي يزيـد الجـرح ماينشكالـه
اعرف قياس البير قبل تهوي فيه=واسئل عن الرجال قبـل اتعنالـه
واحذر تحط الزرع في غير واديه=لو هلت بروقـه وخّيـل خيالـه
وحذراك ثم حذراك من ساس تبنيه=احذر تحط الساس بارضٍ هيالـه
الساس يعني الشي باول مباديهـ=وكـل المعانـي وارده باحتمالـه
بقلم الشاعر/عبدالرحمن العقيلي