[ابن حميد]

قصيدة يانورنا يا عزنا ياذرانا
للشاعر مشعل بن نوار العتيبي
في الامير عبدالمحسن بن حشر بن حميد
في احدى مناسبات القبيلة بتاريخ 1413هـ

يامرحبـا حييت يا منقع الجــــود = يانورنا يا عزنا ياذرانا
ترحيب أحلى من لبن شمخ القــود = وأحلى من الماء يوم يقطع ضمانا
عد السحاب اللـي به بروق ورعود = وعداد ما سرتوا وسارت خطانا
ينصاك يابن حميد والعلم مشهــود = ياعز وأغلى من تفضل وجانا
ياعد ياللــي دائـــم الــدوم مـارود = وليا ضمينا من دلالك روانا
يابن حشر ياللي على اللين والكود = يأمنبك الخائف ويلقى الامانا
يزبنك يافــرز الوغي كل مظهــود = ويصير من شيمتك في احسن مكانا
ياميرنا ياللـي على الطيب في زود = من طيب طيبك معتلي مستوانا
ياسيفنا ياللي علي الروس محدود = يا درعنا ياللي تهابك عدانا
بيتك لــربعك والمساييـــر مريـود = انجيه ونروده متى ما بغانا
على الوفاء والطيب والعز مشيــود = يدريبه الزائر وحنا درانا
فيه الشحـم والهيـل والبن والعــود = من جود جودك يا وسيع البطانا
عساك طول الوقت حاضر وموجود = نحيا بعزك وانت تحيا معانا
ولعل درب الخيــر لك دوم ممدود = يامن على دربك ونهجك مشانا
نغليــك ونعـــزك ولافيـه منقـــود = وانته يابو نايف املنا رجانا
منــا الثناء والمدح دائم لك يـــزود = نصدق بما نمدح ويصدق ثنانا
ماقلتهــا من شان حاجه ومقصــود = لا والذي في طاعته ما توانا
أنت الأمير اللي له الطيب معـدود = نفخر بطيبك والله المستعانا
عزوتــك عـــزوتنا ليا ثار بــارود = نفخر بكم عند اللقاء ياؤمرانا
يازارعيــن الخيــر ليـن أثمر العود = من خيركم دائم نحصل منانا
ياهل الوفاء ياللــي لنا درع وعضود = ياللي بهيبتكم بعيد مدانا
تاريخكم بالمجد والعز منضـــــود = من فعلكم على المعزة نشانا
في نجد حطيتوا مراسيم وحـــدود = بالسيف الأملح مع شباة السنانا
تستاهلون المدح وقيــف وقعـــود = وليا مدحناكم فلا أحد شنانا
وأختتامها حييت يامنقع الجــود = يانورنا ياعزنا ياذرانا

آخر تعديل ابن حميد يوم 22-Feb-2010 في 07:20 AM.