[ابو محمد الدعجاني]

غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه


لا تعتذر لي تـرى ماعـاد فـي شـدّه
اعيد حكي ٍ يكـود الصـدر مخراجـه



دامه يوصـف بجـود ابيـه وجـدّه
وشلون تبخل على المجروح بـ/علاجه؟



ووشلـون قـاوااك قلبـك رده وصـدّه
مع انه بيّن عليه الضعـف والحاجـه



ياقـو قلـبـك بــرد ايميـنـك وردّه
بخلت بمصافحـه وارهيـت بحراجـه



لو ماسقى غيم عينـه جرهـدي خـدّه
تـراه يبكـي وقلبـه يلحـق اخلاجـه



ولو شفته يمازحـك تـراه مـن جـدّه
الضحك عن درب ضيق الصدر ماعاجه



غير الغلا والولـه عليـك وش حـدّه؟
يـادرب ليلـه ويامسـراه وسراجـه



كنّه يعرفـك قبـل يلقـاك مـن مـدّه
مع ان مابينـك ومـا بينـه امواجـه



هـواك بـدو ٍ نـووا للقلـب بالشـدّه
ورياض قلبي لـ/شوف البدو محتاجـه



والوصل..بحر ٍ متى انت بتسمح ابمدّه
لـ/سيف صبري وبحرك شح بامواجه



قصيدي اللـي قريتـه واللـي اعـدّه
قديـم لا يزعلـك معنـاه واخـراجـه



وفراغ قلبي غلاك ارهـى علـى سـدّه
ليتك تشوف الغـلا وابراجـه وعاجـه



اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه



تغانـم الوصـل لـن البعـد لابــدّه
ياتيك في يـوم ثـم ياخـذك بادراجـه



اللي لي انـك تليـن وتتـرك الشـدّه
واللي لك اني ما سولف بـك لهراجـه



ولاني بزعـلان واللـي نرتجـي مـدّه
يا بـاب قلبـي ويـا قفلـه ومزلاجـه



زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه



غالي وتبخـل علـي وتطّـول الصـدّه
الله يسامـح غـلاك ويلعـن الحاجـه



محمد بن فطيس
المحيط الهادي