على وضح النقا يا هاجسي سوق المثايل سوق=إلي وجهه بعون الله لهـا غايـات مقصـوده
تهيالي خيال ٍ في مقـا ديمـه رعـد وبـروق=أحسبنه صدوق ٍ من سنـاه وحنـة رعـوده
ولكن البروق اقفت ولا منها مطـر محقـوق=أثرها عجتـة ٍ وإبليـس معهـا رز عامـوده
الا يا مقشر الصحبه لا جا فيها الغدر والبـوق=ليا كانت خطط ترسـم مـع الأيـام منشـوده
ابد ياقلب لا تحزن عرفت السوق وأهل السوق=بضاعة من نوى الباره أكيد تجيـه مـردوده
يبين اللي يخفي غايته لو يحسـن المنطـوق=اله كلمه ولـه خطـه عليهـا تقـدح زنـوده
لك الله ما يوصف بالصقور وفعلهـا غرنـوق=لها فعل ٍ ينومسهـا ماهـي بالفعـل منقـوده
يدورن الليال و يعرف السارق من المسـروق=ولو كانت نوايـا الشـر مرسومـه ومعقـوده
عسى يا قلبي الطيب من أحداث الزمان تفوق=تـراك بهجـرة ٍ تغـدر بمـان الله وعهـوده
توضح قدرة الله ما يـدور بخاطـر المخلـوق=ودوم أهل الجميلة من عيون الحسد محسـوده
صحيح اللي ما ياخذها بعز يحوق ماها حـوق=كلام اهل الفكـرو العقـل والنيـات مشهـوده
بعد شفت الحقايق بينـه يامجمـل الطـاروق=ولا نفسي على بيبان بعض الخلـق محـدوده
أنا نفسي عزيزه هامتى من يوم خلقت فـوق=ولا اثنيها يكود الطاعـة الرحمـن وسجـوده
درى منهو درى عما حوا بيت الشِعر برفـوق=حكم مدري مساميـر ٍ تـدق قلـوب ملهـوده
طواغيت الزمان آليا حداها الوقت مثل النـوق=يجي مستاقها راع العصـا بالحمـل مشـدوده
تعلمنا و مافات الفتى فـي هجرتـه ملحـوق=لو اني شايف دروب الزمان اليـوم مسـدوده
احد يفخر بفعله ويتنومس مـا يجيـه العـوق=وَحَد فعل الردى من ذخر ابوه وسابق اجدوده
مضى وقت ٍ مضى واليوم عما فات فيه فروق=ولا نبغـى نفتـش وقتنـا ونبيـح ســدوده
متى يا وقتنا يرجعلـك الصديـق والفـاروق=ويصبح كل جسم من الفخـر يعتـز بعضـوده
وســــــــــــــــــــــــــــــــــــلا متــــــــــــــــــــــــــــكم