ياعين لا تبكين مماجرا لك...... هذا مقدر ياعيوني ومكتوب
لا تأمنين الوقت لوهو صفاء لك...... هذا سعيد وذاك ياعين منكوب
عرضتني يا زين درب المها لك...... واصبحت كني بين الاضلاع مضروب
انته ببالي جعلي الي ابا لك...... لولا الغلا ماني على الحب مغصوب
ذبحتني في هرجتك مع دلا لك ...... من شفتك ينزل عسل داخل الكوب
اجلس واسولف دايمن مع خيا لك ...... من شافني قال ذالشخص مسبوب
تكفى يابو سلطان خطي عنا لك ...... ابيات شعر(ن) جتك في ضرف مكتوب
شكيت لك من عقب موجي رسى لك ...... وشرواك عن صكات الايام محسوب
جعل الردي تطاه مقدم نعا لك ...... ياطيبن ساسك مع الطيب مجذوب
الابو طيب والشجاعه خوا لك ...... وانشهدنك عند الاجواد محبوب
وصلاة ربي عد نجم(ن) بدا لك ...... وعداد فنجالن من البن مشروب
الشاعر نهيتان مزعل الاسعدي