سعود العصيمي =
يامرحبا يامطول الغيبة وش طـول الغيبـه=وانته من اللي تحتمي القاله ياحامي القاله.!!
ابن محمد وش مطاليبـه وشهـي مطاليبـه=حتى يجي للخيـل خيالـه للخيـل خيالـه!!
مقعد الدغيلبي =
دام البقا ياشاعر عتيبه من شاعر عتيبـه=ياكم وكم جاتك من ارساله ياكم من ارساله
الوقت مانحلق مشاهيبه طفـو مشاهيبـه=قدام اجيب الحمل واجماله ماتجهل اجماله
سعود العصيمي =
اشفق على الطيّب واهليبه وانتـه تلهيبـه=واحب راع الهيل ودلاله ياراعي دلالـه!!
الوقت هذا عاوي ٍ ذيبه وش سالفة ذيبـه=من حاله ايحوّل لياحاله وش هاذي الحاله!!
مقعد الدغيلبي =
الداب محدٍ يقرب اشعيبه والسـم بشعيبـه=والصربي انته عمه وخاله وشلون ياخاله
الوضع بين الشكه والريبه شكه على ريبه=والجدي ثابت وسط منزاله معروف منزاله
سعود العصيمي =
علـم ٍ كذيـا لاتجينيبـه يالـلـي تجينيـبـه=ياشاعر الموال والشاله ،، لاترخـي الشالـه!!
نويت احوّل فوقك مصيبـه يامـدور مصيبـه=ياسارق السلطان وامواله ،، وش حلل امواله!!
مقعد الدغيلبي =
امسيلمه مجهـل بكاذيبـه وادري بكاذيبـه=من ماضي الايام فنجاله مشروب فنجالـه
سيفي عطيباتن مضاريبه جرب مضاريبـه=لاتدرج في داخل الصاله واطلع من الصاله
سعود العصيمي =
علمي يامقعد مانت داريبـه مانتـه بداريبـه=ترثع جنوب الدار وشماله ماهوب في شماله!!
جعلك على القومان تغزيبـه لفـلان تغزيبـه=وفلان فـال الله ولافالـه مافالـي بفالـه !!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|