[زياد المزرمي]

اللي يبا الحرمه مع الرجال فالشارع تسوق = يرفع يده ويقول انا حاضر هنا واقولها
ان كان شفنا في ملامح خشته عفه وذوق = انقول هات الحجه اللي ساريٍ مفعولها
وان كان صار العكس والله قدر الضن الصدوق = انقول ترجع حيلة اهل الحسد وسط حثولها
يا قوم ! لاسرحو مع السكه قبل فك الريوق = اتدق له بوري ويرسل رد في مرسولها
وليا حصل حادث يجوز انه يجي لزم الحلوق = يازين وجه عبيد ومنيره تدن حجولها
وان بنشرت ماتبتلش كلٍ على الفزعه سبوق = نشيّل العفريته وكل الخطوط نجولها
قال الهدف نبذ التخلف والتقدم فوق فوق = ونواكب النهضه حسب سير البشر واوصولها
لو نجمع الحسنات والسيات ونشوف الفروق = مالت بها السيه على الحسنه حسب محصولها
ان كان مفهوم الحضاره عندكم قطع العروق = اللي نشت واللي ربت حسب القيّم مجمولها
لا والله الا ما لبسنا الثوب ابو حرق وفتوق = خلو حضارتكم لابوها عرضها مع طولها
هو ليه نتعب فكرنا ونخايل خيال البروق = ونقول هاذي مشكله وهاذي بنود حلولها
دام الهدف نزع الحيا من بسمة الوجه الخلوق = وتصير روس القوم ماتباعد مواطى رجولها
الدين ماقصّر ولا نقص على المرأه حقوق = اوفا حقوق المجتمع واصل العدل مشمولها
لكن لك نيّه وبانت مع ضحى شمس الشروق = اللي افضحت سود النوايا بأكتشاف ميولها
دام الذي شال الرطب يا نخلة الوادي عذوق = والله ليبطي قاصر اليمنى قزم مايطولها
واللي يبا التجريب وملزّم على المره يذوق = يجلس بعيد وتعتبر عيني بشرٍ حولها
اعراضنا ماهي بحقلٍ للتجارب والطقوق = حنا عرب واقوالها من ما تمد افعولها

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com