[فهيد الايدا المورقي]

اخر قصيدة للشاعر /محمد عبدالرحمن الايداء المورقي ,, في الاستاذ : فهيد بن مفوز بن فهيد الايداء المورقي (ابو خالد)

,

سلام يا راع البكار المعفـّاه=لا صاح بأعلى الصوت جاته ترازم
يشدّني طيبه ليا جيت بحماه=عجل ٍ على الواجب متم اللوازم
هذاك أبو خالد عسى اللاش يفداه=تحتار فيه مقطعين المحازم
اتعِب قدم رجلي على ما تمناه=لا غاب عني كن بالعين هازم
من نسل زيزوم ٍ على العز رباه=سطوة شجاع ٍ للمواقيف حازم
الحق يظهر بين رمحه وشلفاه=عز القريب ول آصدق القول لازم
هداج يروي يابس الريق لا جاه=نوض الحيا في كف خير ملازم
يضيع به حاتم ليا عِد ما آعطاه=أهل الكرم في دار جوده تعازم
اركد من الرامي ليا زان مرماه=ما يرتخي مادام للفعل جازم
كفّه على لطم المعادي مضرّاه= للطيب طيب ول آسود الوجه خازم
هذا كلام الصدق مابه مراياه =عده ضمير ٍ في مباديه عازم

,,,

,,

,

التوقيع

حسابي في تويتر faheed_1234