[حاكم الغنامي]

المشاركة الأصلية كتبت بواسطة ناصر الجلاه

..

مرحبا يابوعيد

الله يبقيكــ يابو محمد

والاسئله واجد لو العيال سبقونا
ههههههه الله مير يحيكــ ووياهم

ولكن :


س1 : مارأيكـ في منتدى الهيلا حاليآ بعد التغيرات الحاصله ؟

صدقني يابو محمد ان منتدى الهيلا الان يتربع على عرش المنتديات الادبيه والقبليه بشكل عام والتغيرات التي حصلت في الفتره الاخيره هي من قفز بالمنتدى هذه القفزه القويه الى الامام وهذا لم ياتي من فراغ بل بحكمة ودرايه من ادارة الهيلا ومشرفيها ومن الامثله على هذه التغيرات الكثيره نذكر على السريع بعضاً منها
1/ سن قوانين جديده تخص الاوسمه في مجال الشعر (المحاوره والنظم)
2/ تفعيل المسابقات الشعريه لشعراء النظم وتحفيزهم بالجوائز القيمه وكذلك تفعيل دور المحاورات المباشره
3/طرد بعض الاعضاء المسيئين للمنتدى وواجهته الحضاريه والمشرفه
4/ تكريم الكتاب والنقاد الادبيين







س2 : منهو الشاعر فالمنتدى الذي من خبرتكـ ك/ شاعر ومتذوق للمعاني نقدر نسميه
((شاعر منتدى القبيله ودرعها )) بدون مجامله ؟
يوجد من يستحق هذا اللقب بالعشرات فالمنتدى فياليت تسمحلي يابو محمد لانه صعب احدد


س3 : العتزاز بالنفس وبالقبيله مطلوب نفسي في كل شاعر وشخص ولكن إذا تعدا الاعتزاز حده بشيٍ مبالغ فيه فماذا تسميه في رأيكـ الشخصي ؟

انا اراى انها عدم ثقه بالنفس ! اذا تجاوز الحد المعقووول

س4 : قصيده لحاكم الغنامي لم تنشر من قبل ويفوز بها منتدى الهيلا في هذا اللقاء !!
ماذا ستهدي لمنتداك والمعجبين بحاكم الغنامي ؟

ابشر ابشر انت تامر امر يابو محمد

وهذي قصيده لم تنشر من قبل

من الارشيف

بالله ياضو القمر حان مسراي =اقدح سناك وعرّب الليل تعريب
عرّاب ليلي لاسمع نبره حداي =يتبع صدى صوتي مع الليل ويجيب
يدرا جنابي غايبته يكسب رضاي =واليا كسبت رضاه نعم المكاسيب
والظن في رمحي وسيفي وشلفاي =ماخاب واللي يحسبه خايب يخيب
الليل موحش وانت لليل جلاي =ورسالتك لاجات تقض المواجيب
ترسي بواخر ضو في وسط ميناي =تلفي سوات الضيف عند المعازيب
ياضو هات الراي يامحكم الراي =وأنّح بمجالي عن هل الشك والريب
جاوب نديمٍ فيمن طويق عوّاي =وانته شبيه الذيب وتجاوب الذيب
أقشع ظلام الليل لقصاي وادناي =خلك على خبري زبون المطاليب
ياضو لا تشره على شلة اعداي =وانا مجنبهم من العام تجنيب
ماخذت من ديني على شان دنياي =دنياي حَمّض علومها ...قرش في جيب!
عربونها مابين بايع وشراي =وصحيبها مايعمل الخير بصحيب
اليا اقبلت ترقص على نغمة الناي =وان دبّرت عاثت بصفو المشاريب
واللي تحصلها على الراس مبداي =توي دريت ان الوفا عندها عيب
ومما حصل ياضو لله مشكاي =مشكاي للي يعلم السر والغيب
ربٍ صمد بيديه موتي ومحياي =يوحي ندانا دون رسل ومكاتيب

وسلامتكم

هذا وتقبل مروري يابوعيد


الله لا يهينكــ يابو محمد ونورتنااا

.

.

شرفت اخوكــ بمروركــــ


لاهنت

التوقيع

سبحــــان الله وبحمدهـ hakem81@live.com