عبدالمجيد الثعلي
يالعتيبي معجب أنته شاعر ومعجب عتيبه=وأنت راع الدلو لاركب الرشاء فوق المحاله
ضلع نجد المعتلي سيله تحدّر مع شعيبه=والشعيب الضلع فوقه والمزن خيّـل خياله
معجب العتيبي
ياوسيع العرف بعض العرف قلي وش تبيبه=جنبه للي يسرك واحتسب فيها جماله
والكلام ليا بدابه ياعميل الخير ريبه=مانقول انه حرام ولا ندقق في حلاله
عبدالمجيد الثعلي
قسمّك الله قاسمه لك. وإسمك اللي تعتزيبـّـه=ينصرّك فالماقف اللي فيه. تأقف له رجاله
شكّ معجب فالعلوم وجاينّــا.مضوّي مصيبه=قصة الأجواد قصة! حالة الأجواد حالّـه!
معجب العتيبي
بارك الله في رجالٍ جابت السمعه غصيبه=يوم عسرات الدروب ويوم ساعات الشكاله
ياعميلي مالحقني فيك لاغنيت ريبه=تحسب انك تكسب الجوله ليا سويت هاله