[معجب العتيبي]

ابن سرحان الثبيتي

ياولد شهران عب الاستماره .. كان ودك تدخل السحب الكبير = مير لن مافزت طلعناك برى .. مير لن مافزت طلعناك برى
التجاره عندنا ربح وخساره .. لكن الاسهم تداولها خطير = ومن تهاون راس ماله ماتجرأ .. من تهاون راس ماله ماتجرأ

الراي السديد

اسمي الاول علي و العلم شاره .. و الحمل محمول في ظهر البعير=حاضر و جاهز و لا فيها مذرّا .. حاضر و جاهز و لا فيها مذرّا
يا مدير احفظ قرارات الوزاره .. و انتبه تطمر قرارات الوزير=ثم تصبح خارج اسوار المقرا .. ثم تصبح خارج اسوار المقرا

ابن سرحان الثبيتي

الاسامي كووووم مافيها شطاره .. والنعامه طير لكن ماتطير" = المهم اني نصحتك وانت حرا .. المهم اني نصحتك وانت حرا"
اقشع التظليل عن وجه الغماره .. اوانطح التفتيش بالوجه السفير" = جاتك الفرصه تقدم وش تحرا .. جاتك الفرصة تقدم وش تحرا"

الراي السديد

فعلنا توّك على طيب و جساره .. و انت تعرف بس تنكر يا نكير=ثابتٍ للعلم لو غيري تبرّا .. ثابتٍ للعلم لو غيري تبرّا
خابت ام اللي يدوج بكل حاره .. قد نصحته غير عيّا يستذير=و البلا صار الابو مثله يفرّا .. و البلا صار الابو مثله يفرّا

ابن سرحان الثبيتي

جيتنا مسرع ومسكتك الاشاره .. تحسب الطايف كما سودة عسير ؟؟= قلتلك مانته على الدعوه مضرا .. قلتلك مانته على الدعوه مضرا"
انت ودك تلبس ابشوت الاماره .. ياعلي ولا تبا بشت الحرير = ياسديد الراي قلي وش تورا .. ياسديد الراي قلي وش تورا "

الراي السديد

خابرين الليل ما يسبق نهاره .. و الفرزدق بيته اقوى من جرير=الحًلًو يبقى حًلًو و المر مرا .. الحُلًو يبقى حًلًو و المر مرا
من هو اللي طيّح ابراج التجاره .. غير بوش و شلته و انت الخبير=القماش احيان ما يصلح يغرا .. القماش احيان ما يصلح يغرا

ابن سرحان الثبيتي

ياكثر فرساننا خلف الستاره .. 400 جندي وضابط خفير = كل واحد فيه خير وفيه شرا .. كل واحد فيه خير وفيه شرا "
السموحه \/ انتهى وقت الزياره .. والنتايج سجلت عندالمدير = الحقيقه ماحسبناها تمرا .. الحقيقه ماحسبناها تمرا "

الراي السديد

القَصَر نسعى على طولة عماره .. دون حده سلة السيف الشطير= غير ليت العلم في راسه يقرا .. غير ليت العلم في راسه يقرا
ننتظر لين الامَر يصدر قراره .. و ان عطيتو البشت نعطيكم بعير=في امان الله و الدنيا ممرا .. في امان الله و الدنيا ممرا

التوقيع