سعود العصيمي
سلام والمعنى يابن سرحان في غبة بحر = وانته من الغبة تجيب الدره ومحارها.
اذنبت في نص العرب تمشي على بطن وظهر = شغلتك هاذي شتت روس العرب وافكارها.
ابن سرحان الثبيتي
يامرحبا وان حانت الوقفات مافيها عذر = نبا نجيب الدره ونكشف جميع اسرارها
القيم خلص والنتيجه سجلت 1\ صفر = عز الله اني قلتلك ياسعود دور غارها
سعود العصيمي
ان حانت الوقفة ترا مالك بهاذية شكر = واجبك وتدافع عنه والقوم دون اديارها!!
ماني مخليها الك وانا ماحضرتك فالقشر = لابد ماولع على راس الثبيتي نارها!!
ابن سرحان الثبيتي
الظاهر انك يالعصيمي ماسمعت آخر خبر = والطرقه الليله معك دوب ابتدى مشوارها
اليا تذكرنا مباراة الجزاير مع مصر = بكره مصر تاخذ من اعيون الجزاير ثارها
سعود العصيمي
اخر خبر ماطالع ٍ بثبيت مهدي منتظر = مار اضبط الحمسه وزيّن دلتك ببهارها.
الكأس من دونه برازيل الحرافه والظفر= حجتك هاذي ياعميل الخير دوّر غارها
ابن سرحان الثبيتي
المشكلة ماتدري انك يالعصيمي في خطـر=اليا تجاوزت الحدود " ايمينها وايسارهـا"
من عاش بالحيله على ماقيل مات من الفقر=ولا الشيوخ اشيوخ قول الله يطول اعمارها!
سعود العصيمي
انا معي وجهة نظر وانته معك وجهة نظر=لولا اختلاف انظار خلق الله تبور اسعارها.!!
كلمتك هذه تنطبق مع علمك لزيـد وعمـر=ماعاد تامنك العرب فطوالها واقصارهـا!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|