[ذيب المراقيب]

بسم الله الرحمن الرحيم

الاخ الكريم / فيصل المسعودي

يسعدني تلبية طلبك .. واليك قصيدة الشريف بركات التي ذكرت مطلعها:

اسهر اليا نام المعافى ومدمعي++ كد هل ما بين الناظرين ساكبه

كد قلت لما باح صبر ولج بي +++ صديق شفيق حميدات مذاهبه

دع العذل عني يا ناصحي وخلني++ فشرواك ما يرضى هوان لصاحبه

اذا هاذاك اضعف البعد عزمه +++ يعيش بذل راكب فوق غاربه

شهره عن الزهد لوهي لي فضيه++ولا يمنع المخلوق مالله كاتبه

في كل دار للرجال معيشه +++ والارزاق كل فلها جزل وهايبه

ولاني غوي بك ولابي سفاهه++ عزيز ولا نفسي لدنياك طالبه

أخترت بعد الدارفي نازح المدا++ ولا قولت بركات قد هان جانبه

وقلت لما اشرقت ذات عشيه ++ على مرقب عالي الدار من مراقبه

فيا مبلغ عني ذا الجود والثنا++ ومن شب شارات للمعالي مكاسبه

مبارك زبن الجايا ت بن مطلب++ ذرا الجار والعانين عن كل نايبه

ثم ابلغه مني سلام مضاعف +++ عددما همل وبل السما من سحايبه

يامورد الاسياف بيض حدودها++ ومصدرها حمر من الدم شاربه

ويا زبن راعي عودة قصرت به++ امعقبة في تالي الخيل تاعبه

ويا كعبة الوافد بالمح والثنا +++ الى النذل ذل واغضى بحاجبه

الى قل ماء المرزمات واجدبت++ وقل الحيا واوقات الامحال كاهبه

بنيت لنا بيت من العز شامخ+++ اسال الله ان لايهدم الضد جانبه

ولا تحبني بعد حسناك والرضا++ اغضبك بالدنيا وما كنت غاضبه

ولكن جاني منك مضمون كلمه++على حضرة الرماق والخلق قاطبه

بها تعاتبني ولا دست زله +++ وغيري لو داس الردا ما تعاتبه

حاربتني من غير ذنب جنيته+++ عسى يحضى بالخنا من تعاتبه

لعلك تذكرني اليا جتك ضيقه+++ وحال المال يحد اجافل من معازبه

لك بان مركاضي الى اشرفت للعدا+ وتجازعت بالعج عنها سلاهبه

بيم كداجي الليل ظافي(ن) كتامه++ فيه السبايا كالخواطيف لاعبه

وانا فوق قبا تقتحم العدو عندل++ مرفعت شعل اطوال مناكبه

طويلت عظم الساق وافي شعورها+ لها مثل عرف اليك طوع اجاذبه

ولي فوقها درع ونصب وطاسه++ وسيف بيمنى ابيض يستلاذ به

مع طول عشر فيه زرقا سنينه++ كما النجم تاضي في دجى الليل ثاقبه

الى شكت اطراف الرماح من الظما+ فسيفي ودرعي من دما الضد شاربه

وقد فرح بي من لايودون حضرتي++ بدالك على هذا والاضداد قاطبه

ولا جيتك الا والركايب زوالف +++ عن الدار والاضداد بالملك ذاهبه

فألى نبحتنا من قريب كلابهم +++ ودبت علينا من البغضا عقا ر به

نحينا باكوار المطايا ويممت+++ بنا صوب حزم صارفات ثعالبه

بيوم من الجوزاء ومستوقد الحصا++ تلوذ باعضاد المطايا جخادبه

في دوة يتيه ابها الدليل مخافه +++وشجر المفالي طامسات مراقبه

على الرجل اشوا من مقامه بديره + يعيش بها والغبن فيها مطالبه

فمن قلط الهندي ووخر العصا +++ جلا الهم واصبح نازح(ن)عن قرايبه

فقلته عن بيت قديم سمعته +++ وهو مثل ما قال التميمي لصاحبه

اذا الخا اورؤاك صدود فوره+++ صدود ولو كانت جزال وهايبه

وكن عنه اغنى منه عنك ولا تكن++جزوع الى حقت بالاقفا ركايبه

فخاطر بنفسك في لقا كل كايد+++ تحوش الغنايم والمقادير غالبه

ترا ما يعيب الدوح الا من اصله++ ولا آفة الانسان الا قرايبه

واصلي على خير البرايا محمد ++ نبي الهدى وازكى قريش مناسبه



والمعذره من بعض الاخطاء المطبعيه لطول القصيده.. وعدم التمكن من المراجعه.. تحياتي ,,,,,,

ذيب المراقيب