معجب العتيبي
انا الليله نويت اضحي بواحد من الشعار=عسى ربي يجيب الواحداللي يصلح ضحيه
ابا اذكيه بالسكين واحطه بوسط النار=واطشه للذياب اللي تعاوا كل عصريه
علي فلاح العضياني
معي فالحرب عمهوج الصقيل الصارم البتار=يخّلي راس معجب في ثواني ( كوره أرضيه )
أنا و الله ما اذمّك يالعطاوي وافي الاشبار= و لكنّك نويت و عوّدت نيّتك عكسيه
معجب العتيبي
معك عموج لكن وش يسوي في جبل سنجار=وصلك الضلع يزحف مامعه رحمه وماويه
تحسب انك وصلت سهيل وانت تدور فالدوار=عضياني وغرته الهقاويه في محانيّه
علي فلاح العضياني
لو إنّك ضلع تثبت في مكانك ما تميل يسار=علومي واقعيّه و انته علومك خياليّه
أنا صقرٍ يصيد الصيد ياللي من طيور الدار=ليا أونس مسّ حرّ الشمس يزبن بارد الفيّه
معجب العتيبي
صحيح انه جبل راسي وسيّره الاله وسار=تعانق هامته جو السما والارض تحتيه
علي فلاح من دونه غبار ومن وراه غبار=على قده مدا التفكير والرؤيا ضبابيه
علي فلاح العضياني
يا بو سلطان حاول فالبيوت توظّف الافكار= ترى الإبداع ما هو وزن كلمه فوق ( قافيّه )
على شانك نعيد الدرس يا معجب ثلاث مرار=و تصبح شاعرٍ ما فيه مثلك فالسعوديه !!!
معجب العتيبي
تحن رعود فكري والقريحه وبلها مدرار=مطرها لانهمر يحييتس يالدار السناويه
من الابداع والامتاع والصملات فالمحظار=ماباقي للعضياني سوا عشرين فالميه
علي فلاح العضياني
يهود أبناء قريظه ضدّ الامّه تدعم الكفّار=عسى الله ينصر الاسلام و الكتب السماويّه
لكلّ بلاد عمله و أعرف الدرهم من الدينار=لكنّك لا تغيّر فالبلد عملتك الاصليّه
معجب العتيبي
اثر كفك كما المسحاه ولسانك كما المنشار=تقفالك بعيرٍ لو هدر ياكلك فشويه
ليازادت رقوم القوم رجعنا الرقوم اصفار=يغنيبه خلف واطبقه فالصوره الحيه