علي فلاح العضياني =
هلا يا مرحبا ترحيبةٍ من داخل الأعماق=كتبت حروفها و الناس تنظرها و تقراها
يا خالد ليش يوم إنّك نقضت العهد و الميثاق=و انا كنت أحسبك عاقل حدودك ما تعدّاها
العصيمي خالد =
لعل لك البقا ياللي هجوسك بالقصيد سبـاق=علومك طيبه والطيـب يقـرا فـي محياهـا
على طاري الفراق اليوم يالعضيان ماش فراق=خوي الجنب لين ان السحابـه ينتثـر ماهـا
علي فلاح العضياني =
يا ليتك جيت يمّ الحقّ قبل تروح فالطقاق=تهمقالك علومٍ يالعصيمي ما انت ويّاها
مع السلمان لا تفزع على ربعك ذوي زراق=سوات البندق اللي كلّ يوم تثور فخباها
العصيمي خالد =
بعد ماغرقت راسك ياعلي للموس والحلاق=عسا لحيتك تسلم لا يزيد الموس ياطاهـا
تجرون الثياب وتشعلون النار في الافـاق=وحنا وسمنا اللي في رقاب البل يحماهـا
علي فلاح العضياني =
طلع راسك ضريبه قدم عين الرامي التّفّاق=على النيشان من بين العيون يزين مرماها
جمال عقيل تبرك بالحمول ثقال ما تنطاق=تحت خضر المطارق و الاوادم تسمع رغاها
العصيمي خالد =
يا راعي البندق المرتين علقها على المعلاق=دخيلك لا تهوش ابها وتصبح من ضحا ياها
أضنك مادريت بسالفـة سيـارة السـواق=صدم حيد الحصاة وعود اولها على اتلاهـا
علي فلاح العضياني =
يا بو فارس عليك الدرب ضاق و ضاقت الاخلاق=هذي عادتك يا خالد تدورها و تلقاها
سماء ربّي عليكم كلّ يوم تهلّ بالأرزاق=و لا تبغى زيادة ديرتك من كثر ما جاها
العصيمي خالد =
لياضقت صدور القوم طبعاً يبسـت لاريـاق=وساعة تيبس الارياق ما تحسـب رزاياهـا
على هونك ترى فصل الخريف يسقط الاوراق=وبو ضحكه يوزعها لبو ضحكـات ينساهـا
بيض الله وجيهكم
وصحت السنتكم
يالثنين
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|