سلطان الجذع
ياسلام الله بقافٍ ينتظـر سمـعٍ وطاعـه=من رفيقٍ ماتغيره الليالـي مـع رفيقـه!!
ياعلي في كل ليلة يحضر الهاجوس ساعـه=وانت كم يكفيك منها ..؟ ثانيه والا دقيقه
!!
علي العضياني
مرحبا ترحيب , يعطي درس عن معنى الشجاعه=إن رضي عنه الجذع سلطان و لاّ في حريقه !!!
لو تفلسف صاحبي و ذراعي أطول من ذراعـه=إن تقابلنا على وضح النقا يشـرَق بريقـه !!!
سلطان الجذع
الامام الجاير اللي معـه صليتـوا جماااعـه=في خسر والخاسر اللي مايجنب عن طريقه !!
انت عندك في مدح نفسك يابن ثعلي براعـه=مار لاسابح بحر جـده ولامنقـذ غريقـه
علي العضياني
و الله انّا ما نصلّي خلف من خان الوداعه=و المصيبه كان لبس الحلم ملبوس الحقيقه
الثقه في نفس من هو يمتلك كنز القناعه=بعد ما حصّل وسام العزّ و أعطوه الوثيقه
سلطان الجذع
الحمى ياعلي لاتطلـق وعولـه مـع سباعـه=عن مجال الصلح جند ابليس فكرك لايعيقـه !!
ماانت باوفى من ولد عمك واخوك من الرضاعه=لو عطاك الله مع لسانك هذا يمنـىٍ طليقـة
علي العضياني
الاسد لو يروح البارود من بطن السراعـه=يبتعد 70 كيلو متر عـن سـور الحديقـه
الله أكبر يالقلوب اللي بها خيفـه و راعـه=كنّها من خوفها ترقص على صوت الموسيقه
| التوقيع |
|
(( رأس الحكمه مخافة الله )) |