عبدالمجيد العطاوي =
بسم لله الرحمن مبدانا قبل مبدى السلام=في حلّة ضامي المعرفة يبهجه معروفها
طرّف يابو عبدالله الليلة هواجيسي حيام=ميرداها عدٍّ يكفّ النضح فوق اشعوفها
سلطان الجذع =
يامرحبا ترحيبةٍ يبقى صداها حـول عـام=الروس تقنع من خبرها والعيون تشوفها !!
زمزم خلقـه الله يـوم اراد خيـرٍ بالانـام=مايشتكي هم الورود مياتهـا واولوفهـا !!
عبدالمجيد العطاوي =
عزّ الله انّك خير من مثّل عتيبة فالزحـام=وان كان ردّ العلم ,, فأنت معزّبٍ لضيوفها
خلّك معي والعلم الاقصى لا يباع ولا يسام=العلم لو تدري عنه بقعاء تطـق ادفوفهـا
سلطان الجذع =
مافيه شك اني ليا رد البـرى راع المقـام=والهيبة اللي للذياب الشهب تدعي خوفها !!
احسب حساب الكلمة اللي تاجها فوق الكلام=واعط اليتاما قبل ترسلها بعض مصروفها !!
عبدالمجيد العطاوي =
مطيّة الشيطان ياسلطـان صايبهـا الهيـام=وان درهمت وان زرفلت ماهوب والله حوفها
حوف الشعير اللّي خياشه كيلها كيلو جـرام=سمّى علاها ليـن مـال شدادهـا لردوفهـا
سلطان الجذع =
اما افتلوا في قيدها والا اخطموها بالخطام=ترى الملامة فوقكم قامت تٌحٌدسيوفهـا!!
لاوالله الا راح نورك في نظر عيني ظلام=ياللي قريت رسالة الايام عد حروفهـا!!
الله الله صحت السنتكم
يالثنين
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|