سعدالعصيمي
بعد الظروف اللي تبرر غيبتي عشرين يوم=سـلام يابرقـا وروق الله يجمـل حالهـا
عزالله انك يالجذع سلطان ثوب بلا كمـوم=اليا لبستك لازم انطـل غترتـي وعقالهـا
سلطان الجذع
أن رحت مااحدٍ فاقدك وان جيت ماجيت أللزوم=خلك لحالك يالعصيمـي والرجـال لحالهـا !!
لاتعتبرني غير سترٍ لك يسـد عـن الهـدوم=لين الليالي تطلعك مـن لحيتـي وسبالهـا !!
سعدالعصيمي
طبيعة الجذعان ماتصبر على فرك الخشوم=لو كنت اقدرهـا واقـدم لقمتـي لعيالهـا
دور على روقي ولفه ياعسى عزك يدوم=افعـول ربعـك ماتحللنـا ولا حنالـهـا
سلطان الجذع
وهذا سبب كافي مخلينا نزورك كل يـوم=لين أن نفسك من جهتنا طيّب الله فالها !!
اللي تحت يده القمر ماهو معاين للنجـوم=اللي يباريها السعد فاقفايهـا واقبالهـا !!
سعدالعصيمي
حيلتك حيلة حصني الوادي على ذيب الرجوم=والا انت تكرم .. والحصاني تنعرف بذيالها
وزلت لسانك صح لو انك عن الصح معصوم=مار الحقيقـة كلمـةً ماينجحـد مـن قالهـا
سلطان الجذع
والله مالومك ولايحلقك مهما قلت لوم=محطة افكارك تلخبط بثها وارسالها !!
مدام وقعت اعترافك يالعصيمي بالختوم=تراك في حلٍ من ايام السنة وليالها !!
سعدالعصيمي
انا كلامي مايخـص الا ضعيفيـن العـزوم=والا الرخامة فيكم انتـوا مايهـل هلالهـا
اهل الهمل لقيوا جمل حطو على خده وسوم=مادريو ان اصحابة اجمالً تغـط اجمالهـا!!
سلطان الجذع
يِقربك برد الشتـاء ويِبعـدك لفـح السمـوم=ولا اظن باقي في رصيدك حيلـةٍ تحتالهـا !!
البن من عصر احترق والضيف معطى ومحروم=وعصيم معها العذر لـو ماقدمـت فنجالهـا !!
سعد العصيمي
المشكلـه فاللـي ليامنـه تربـع مايقـوم=ياكل من النعمه ولا قضيت يجيـه بدالهـا
حنا احترمنا زيد دون عبيد واثر الجوز توم=ماتختلف فطباعها لـو تختلـف فشكالهـا!!
سلطان الجذع
احـد مقامـه يذخـره لاقابلـت قـوٍٍٍمٍ لـقـوم=واحدٍ مقامه في مطاليـب المـره واطفالهـا !!
شكلك بدون اهداف تبرى القوس وتشيل السهوم=ياللي مزونك فرقت ماشفـت وبـل خيالهـا !!