[محمد عويض الثبيتي]

الهلال



هــلّ الهـــلال و دمع الأعيان ماجفّ

هذا الشهر ما هو شهر عـام وشهور

أشـــكي من الأحزان يـــا رب تلطفّ

أنـــت القــدير تبــدّل الحــزن بسرور

وأشــكي زمـانٍ صــاحبي فيه صيّف

حدّه الــزمان مفـــارق الخــل مجبور

أولـــه عـــلـيه و خــاطري به تكلفّ

نــفــس الشــعور يبادلــه بس بغرور

روعة زماني صاحبي سيّدي العـفّ

الطاهــر اللي بين الأصحاب مستور

حســنـه سباني وإن توكــأ على الكفّ

يضفي البــهاء في الكون نورٍعلى نور

بــأمره حياتي يشتهي ناعس الطرف

وأكـــون لــه جنـة وباقـــات و زهور

بــــأمـره على متن الثـقيلات بعزفّ

طرقــه وبــرقى فوق دخان وعطور

بـأمــره كتبت الحزن في دنيتي حرف

حــتى غـديت بكــثر الأحزان مشهور

هـــلّ الهلال ودمع الأعيــــان ما خفّ

ربــــي قدير يبـــدّل الــحزن بسرور


محمد عويض الثبيتي