العمــــــدة
يا وجيه السعــد مدري قلـوب الطغاه=خلف قضبـــــان بقعاء كم لقينا بري
فيه لجنة تقصي للحقوق وقضــــــاه=ما تهاود مـــــع الظالم ولا المفتري
معجب العتيبي
ياوجيه السعد مدري وش اللي يباه=كل يومن بباب المكمه يحتري
كل مرضان يلقا ياعميلي دواه=بس عيبه يعوّد للسبب لابري
العمــــــدة
منكر العيش ماله من يدينا نجـــــــاه=في محــله يزار وياخذه عســـكري
طير شلوى نويت اسري على اللي نفاه=والحقيقة مع اللي ما نظنه صري
معجب العتيبي
يقطع الله ياعمده بين خلقه نباه=ماعتقد بيننا يلقا مكانٍ ذري
فالسياسه زعيم القوم دوّر رضاه=والقوانين تمشي والبلد يزهري
العمــــــدة
العقيد المسمى بالسهم من رماه=افصح افصح قبل لا تزعل البحتري
النجم ما يجيـــك محولً من سماه=واعتقد مانت قادر توصله بالجري
معجب العتيبي
مايصيب البنادم غير فعلة يداه=وكل حرفٍ على الصفحه يبا ينقري
علمه يانجم تبت يديك وداه=وسط سوق الغلا من باع مايشتري
العمــــــدة
ما اشتهر عن كبير العمـــة ألا وفـــاه=سيـــرته فــاح منها المسك والعنبري
الامل بعد ربي في بنوك الغناه=ما اغتنى البيت الابيض من ورى السمسري
معجب العتيبي
المظاهر تغيّر من شماغ وعباه=والقلوب القلوب احذر من المظهري
من يقول الحقيقه مازعلنا علاه=مير قلبك ياعمده لايعوّد طري
العمــــــدة
شاب راسه على تقوى وعمره قضاه=يخدم الدوله اللي في علمها زري
لا رحم قلب رجالً خــــويه نســــــاه=ما سلم من صواب ومن خلل جوهري
معجب العتيبي
يمكن معالزمن خرّف وقرّب عصاه=واصبح يحوسها بين بدوي وحضري
من يدور على شيٍ يحبه لقاه=ولانت مسئول تبحث وش ورا المجهري
العمــــــدة
ابحث ومن يخون العهد ابدهن ثواه=الوفا محزمي والطيـــبة محــوري
كم غدالك وانا عمك مع الذيب شاه=مالك الا عوضها من حساب الثري
معجب العتيبي
مشغلٍ نفسك وقلبك تدور عناه=ليش واته مواطن تتعب وتسهري؟؟
ليت ذيب الغداري سالمن من عشاه=كان يبقى على السمعه كذا مبهري
العمــــــدة
دون نحر الخوي والضيف موت وحياه=نسري الليل لو يكون ما ينسري
للرياجيل وجه وللمغاوير جـــــــــــاه=من يرده جـــويبه يا عرب منفري
معجب العتيبي
الخوي افزعوله حققوله مناه=وعلموه ان قهر مسلم يبا يقهري
معه ضد الصديق ومعه ضد العداه=لجل مايظلم ويظلم ولايفتري