[شمروخ ابن عايد]

أذا قيل الشعر هو مايشعرك بالابداع , ويرضي ذائقتك للشعر , فإنه يختلف جذرياً عن مانشهده من تراكيب أغلب شعراء هذا الجيل التي هي أقل من كلمة شعر بكثير .

هذه محاورة رائعة بين رمزين سجلا اسمهم بمداد الذهب في خانة عمالقة الشعر , رحمهم الله رحمة واسعة .






خليف بن دواس


هلا مرحبا من عزوةٍ يرفعـون الـراس = صحابة رسـول الله سرايـا وقيـادي


لنا يوم بدر حنين بالفخـر والنومـاس = ولنا صبح يوم الفتح والنصـر منقـادي


فيصل الرياحي


يدوم البقاء والمعرفـه بحـر ماينقـاس = وصحابة رسول الله امع المصطفى الهادي


سوالف خليف اتحرك الفكر والهوجـاس = كما نشرة الاخبار من موجـة الـرادي


خليف بن دواس


لنا السيف والنا الرمح والحبر والقرطاس = ولنـا زهرةالتاريـخ هجـري وميـلادي


لو إن القبائل من جواهر ذهب ونحـاس = خلقنا زهورٍ مشرقـه فخضـر الـوادي


فيصل الرياحي



تذكرني ابو بكر في عصر ابـن عبـاس = بعد روح الممتاز وش خانـة العـادي


وانا اقول نعم وكل راسٍ يجيه اعطـاس = لكن الحقيقـه كنهـا الكوكـب البـادي


خليف بن دواس


مضى مامضى من وقت ياالسابح الغطاس = يعـوّد صـلاح الديـن فـالاد عبـادي


نواصي ملوكٍ توجت بالذهـب والمـاس = اخذ يوم معركة الجمل بـأم الاجـوادي


فيصل الرياحي


بغى خليف يقرا الكتب ثم طقه الوسواس = ابو زيد خالٍ لـه وابـوه ابـن شـدادي


تكلم كلام الصدق يالشاعـر الحسـاس = اشوفك تلم الهـرج مـن غيـر عـدادي


خليف بن دواس


خلعنا ملوكٍ مـع سلاطيـن ماتنقـاس = وغرسنا ملـوكٍ لجـل دينـي وببـلادي


بعصمة كتابٍ فيـه تخنيسـة الخنـاس = لنا راجع التاريـخ بوجـود الاشهـادي


فيصل الرياحي


تحلمت تال الليـل ياخليـف بـن دواس = ولااظـن للأحـلام عـابـر ونـشـادي


انا عقب هذا الليـل سميتـك الهـلاس = واخاف ان خلق الله يسمونـك الغـادي


خليف بن دواس


مقصات للا شناب والا الدقـون امـواس = يابو بنطلـون ازرق وابـو كـم ولادي


بغينا الحيا لكن مـا عـوّد العسـاس = على ارض الدهر عبري وسرداد مردادي

آخر تعديل شمروخ ابن عايد يوم 05-Jan-2010 في 08:17 PM.