فواز السعيدي
ياعمدة الحاره لبدّ اسمك ايوب = اسم يناسب للصبر والجلاده !!
لايق عليك الثوب يانازع الثوب = وان جيت ابمدحك اسمك (ايوب ساده )!!
العمــــــدة
الثوب ثوب الفخــر والاسم مكتوب=وشعيل عالي شـان وبعيــد ماده
والا السعيدي يستحق اسم دبدوب=فرفوش ومسلي وسكر زياده
فواز السعيدي
قدام تبني جدركم حضّر الطوب = واحسب لبني الجدر واحسب هداده !!
الحال مزري والنحل ضيّع الصوب = نشبت يالامخور وسط الكتاده !!
العمــــــدة
ياللي تـــواعدني مواعيد عـــرقوب=مانته سمو والا انت صاحب سعاده
لا تعرب الكلمات .. معرب ومنصوب =حتى من المعهد تجيب الشهاده
فواز السعيدي
امن التطور صرت (عمده بحاسوب) = هذا التطور فيه ريحة نقاده !!
تبغا كلام الصدق .. مافيك عذروب = ناقصك بشت اشقر وختم العماده !!
العمــــــدة
عصر التقدم بدل جمال بجيــوب=لكن مشطـــــوفه عيون الجراده
النقص عنـــد القوم والضو مشبوب=واللي يبا التختيم ياخوك ناده
فواز السعيدي
ماباقي الا تطبخ الشاه في كوب = وتقول هاذي من شروط السياده !!
عينك تشوف الذوب طمعان فالذوب = والقوم كلن نيرته من زناده !!
العمــــــدة
الناس يا مفطـــــر على صحن معصوب=مع الاصالة كاسبين العمــــــــاده
فنجال شيخ هذيل من عصر مشـــروب=ان قص دربه وان خثع في عراده
فواز السعيدي
احسن من اللي منسدح ياكل حبوب = جايه من اظروف الليالي قراده !!
حنا شبعنا وانت يادوب يادوب = من يشبع العمده بشربه وزاده !!
العمــــــدة
الشر ما نطريه والخير مجلــوب=والســـوق ما ازعجنا محرج مزاده
الحال يا ستار والمال مسلوب=والجرح يافواز يصعب ضماده