[طلال ناشي]

بعد التحيه والإحترام

رداً على قصيدة الأخ .. حميد السجايا

والتي بعنوان . ياراكب اللي لامشت تسبق البرق

يامرحبا باللي تحرق العـدى حـرق = أليـا ثنـت رجلينهـا مـن تحتهـا
ثم أنحرت جيزان ولا أنحرت عـرق = وشالت أسهوم الموت تحت أجنحتهـا
لا لوحـت والقـوم ماتنـوخـذ درق = ماتخطـي أهـداف العـدى لارمتهـا
أصناعة العربيـد وعيونـه الـزرق = اللـي بـلاده للحـروب أصنعتـهـا
تحمل علم دوله لهـا فالـدول فـرق = وقفاتهـا كـل الــدول مانستـهـا
اللـي شرهـا يـزرق الطيبـه زرق = سلطـان بسـم المملكـة وملكتـهـا
واللي علاها مالحـق نسلـه العـرق = مـعـربٍ لــه لابــةٍ مافختـهـا
لاصاحـوا الظبـاط يالعسكـري أرق = رقابهـا يـم السمـا ثـم سمتـهـا
على هل التخريب والبوق والسـرق = هـاك الوجيـه اللـي قليـلٍ بختهـا
وأنته يامتعب كان تنشد عن الفـرق = اللـي مقـاديـر الـيـال أفرقتـهـا
لاتدغم الهرجـه ولا تعسـر الطـرق = مثلـي يعـرف ألسوهـا وحسنتـهـا
ولا ياخذونك في نحاهم هـل القـرق = نـاسٍ لغتـنـا ماتشـابـه لغتـهـا
جر اللحن وعزف على العود والأورق = حتـى تميـز عزفـهـا ونغمتـهـا
الأرض فيها خير واللـي تمطـرق = محسب يابو صالح علـى مطرقتهـا

وسلامتكم

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com