السلام عليكم و رحمة الله و بركااته
كيفكم ان شاء الله بخير
اطرح لكم قصيدة غزلية
لــلــ شاعر / منيف لفيان العتيبي
الله يمسيكم بخير الأماسي=أحلى بشر واحلى مقابل من الناس
أنشد عنك لعل ماجاك باسي=في غيبتك لعل ماجالكم باس
يامشغلن قلبي وعيني وراسي=ومشتت أفكاري ليا شفتك احتاس
هزيتلي قلبي وهز القواسي=من شوفكم قلبي تكهربه ألماس
لاتحسبني عنك داله وناسي =جلستك معنا ماتعوض بمجلاس
أعطف علي وعوضني بالوناسي=أهل المحبه جمعهم كله أحساس
ياعود ريحانن من النهر غاسي=قام يتميل كل ماهب نسناس
والعين عين اللي بعال الرواسي=عين أشقرن وقع على كف نبراس
وعليه مجدولن من الرأس كاسي=من القدم ضافن إلى مفرق الراس
والخد براقن مشوله أعساسي=جابوا خبر نبته غطاء كل الأطعاس
ثم احدروله مبعدين المماسي=طرشن برعيانه على جيوبهم شاص
يازين مرتعهم بخب الطعاسي=ريح النفل خلطه خزامى وبسباس
و سلامتكم .