ناصر المرشدي
ياسلااامي سلامِ بارقه رفراف=وابله كل دارِ دهر يحييها
كان عبد الله الاصعر يباله قاف=القوافي على شانه نسويها
عبدالله الاصعر
من هجوس تعد العرف للعرّاف=مرحبا بالبيوت اللي تغنيها
اخذ رده ياناصر زال فالميقاف=محتمي والمعاني ماهر فيها
ناصر المرشدي
رح لتشره علي اشره على المحراف=شرهتك للبيوت اللي تحييها
انت ياصاحبي تذكر ولاتنشاف=والمحاني يكفيها ابن ثعليها
عبدالله الاصعر
اجل اشره عليها كان جات ضعاف=ثم مع دربها والله لاسريها
سرها يالعتيبي والقلوب نضاف=والنوادر مخالبها تعشيها
ناصر المرشدي
لاتوقف برجلينك على مهياف=كان بالعرف تاخذها وتعطيها
راعي الصنف مايحتار فالاصناف=سم بالله واعط القوس باريها
عبدالله الاصعر
كل ماميز بشعرك طرى صياف=واهل المعرفه ياطيب طاريها
اعرف انك ياناصر ماعليك خلاف=مير تمشي عليك ولا تمشيها
ناصر المرشدي
ياعسى الله يسلم قلبك الميلاف=من حياته قلوب الناس يحييها
دام موج البحر يضحك على الغراف=الرعيه حلالك وانت راعيها
عبدالله الاصعر
فيه عد غزير وفيه عد جاف=والثنينه نفرقها باساميها
والصحيح البحر ماينقصه مغراف=لو طاستك ترفعها وترخيها