مرجح الميزان
يا معجب الليل دوبه والنقاش النقاش=بناقشك في علومٍ درهمت دوبها
أبا أنشدك فالطيور اللي في وسط العشاش=وش صابها ما تغني فوق مرقوبها .؟!
معجب العتيبي
الليل قفّا ومر الظهر عقب الغباش=ليت العرب حققت فالليل مطلوبها
الحر ياصاحبي ماعاش وسط الخشاش=ولا صاحب الورق يابن الناس فسروبها
مرجح الميزان
ما فات شيٍ هجوسٍ تصطفق وسط جاش=غلابها نعرفه وانعرف مغلوبها
ايلونون الجناح ..! ويقنصون الفراش=مار العرب تعرف الورقاا بعرقوبهاا
معجب العتيبي
مافيه حاجه كذا مافيه حاجه بلاش=والناس لو فكرت مابان عذروبها
القرم قرم انعرف واللاش معروف لاش=ومعروفه اللي تشيل السم فجنوبها
مرجح الميزان
قدام تفتر بك دنياك وتصير "ماش"=أحسب لهاا لا يفرك حيل دالوبهاا
ياا معجب الصايغ اللي يستلم له معاش=من واجبه يحفظ المهنه وماجوبهاا
معجب العتيبي
ماهوب انا اللي على رزق المساكين عاش=ولي منزله يبطي العذال ماجوبها
المسلم يعيش عمره مايذوق الغشاش=وامانته مايجنبها عن دروبها
مرجح الميزان
الثور برجه رفيع ونجمته ما تناش=مار العرب ما يحرك نبضة قلوبهاا
راع البضاعه نبيع ونشتري منه كاش=ولا نهتوي شلة الأقساط واسلوبهاا
معجب العتيبي
الثور تنشد عنه كتاب ماطاش طاش=ويعلمك حرفها واسرار مكتوبها
لاتعالج المشكله بالصدصده والطناش=الا ليا خفت تحداها على حروبها