قولوا هلا باللـي حياتـه نذرهـا
قولوا لبو خالد دروبـك عسيـره
لاحدا تهمقاهـا ولاحـدا عبرهـا
تعبر بنا عبـر البحـور الغزيـره
امواجها ماردتـك عـن بحرهـا
في راي ابو متعب زعيم المسيره
اللي الى طالت برك وختصرهـا
يديرها بالفكـر وهيـه خطيـره
حتى يخفف عـن بـلاده خطرهـا
والجيش يفخر بالمليـك اوزيـره
سلطان هو عز الجيوش وافخرهـا
يامرحبا من كل فخـذ وعشيـره
ومن القلوب اللي فرحها غمرهـا
باللي رعى جيشه ابصر وبصيـره
حتى المحبه في جنـوده بذرهـا
مانحتمل فرقـاه لوهـي قصيـره
قلوبنـا سيطـر عليهـا واسرهـا
وفي عودته كلن يعبـر ظميـره
بعـد شهـور طايـلات انتظرهـا
الجيش كل الجيش يفرح باميـره
فرحه عظيمه ماتوصـف صورهـا
والهرج تكفي بلغته عن كثيـره
نامت عيونن طولت في سهرهـا
قولوا معي ياساكنيـن الجزيـره