اهدي لكم هذه القصيده لعلها تنال اعجابكم ..
اليوم عيد(ن) كبير وعمت الفرحه = كل(ن) من الشعب فيه يهنئي الثاني
يا عظم هاك البيان ويا حلو طرحه =فرحت به المملكه والشعب من داني
اصدورنا حين ما ذاعوه منشرحه = ومن الفرح طايرين بدون جنحاني
لو بأشرح شعورنا يكودني شرحه =عيد ومطر وانتصار وشوف سلطاني
حتى المصوب على الجبهه برا جرحه = في شوف ابو خالد وفي شوف سلماني
يالله عسى عزنا ما ينهدم صرحه = ويطول اعماركم يا اطوال الايماني
عاش الوطن والمليك ودامت الفرحه = وعاش ابو خالد وعاش النائب الثاني
الشاعر(محمد بن سطام بن عون )