لا والذي صورك صورة بديعة
*********************** ماهين فيك الحب وانا ولد ناس
يامن كتبتي لي عبارة رفيعة
********************** مثل الذهب واغلى من عقود الالماس
والله ماني من رجال الخديعة
********************* ولا من تلاعب بالمشاعر والاحساس
شريت حبك كيف وشلون ابيعه
********************** وشلون ابيعه كيف يا عذب الانفاس
عايشت ركب الحب فاحلى ربيعه
********************* طلعت من بنك الهوى بشيك الافلاس
حصنت نفسي فالحصون المنيعه
********************* وكل الحواس الخمس ضباط حراس
اعزها عن كل شيمة وضيعة
********************* ادور اللي يرفع القدر والراس
ولا للفرص نهاز والسر اذ يعه
********************** في يوم كان السيف في حد الامواس
وليا اختلفنا حول وصل وقطيعة
********************* درب الرجا دربك وانا دربي الياس
اقسى على قلبي عصيته وطيعه
********************** ويحاسبه عقلي بميزان وقياس
من خوف ختلات السباع المجيعه
********************* تحطني ما بين نيبان واضراس
للعلم حبك في حياتي وديعة
******************** حتى الممات وتلحق الناس بالناس