ابو لمار =
سـلام الله سـلام" يدمـح الزلّـه ويمسحهـا=في حاله واحده لو جاتني الزلّه مـن النشمـي
معي بندق واوجهها على الاهـداف واطرحهـا=يوم ان اللاش يالنشمي لاهو خصمك ولاخصمي
النشمي =
ابو مالك رجل وان جاته الزلات يدمحها=على المله ولاهو لا ولد خالي ولا عمي!!
معك بندق تحت حكم النظام اللي يصرحها=توجه للهدف لكن حذرى لا يجي زمي!!
ابو لمار =
انا طبّ القلوب السـود اداويهـا واجرّحهـا=لو ان اقلوب بعض الناس من كثر الغبن تدمي
نظامك يالثبيتـي فالمواقـف كيـف رشحهـا=يدوم الك النظام اللي عن اعلوم العرب معمي
النشمي =
يامقشر نيتك ليتك مع اهل الطيب تصلحهـا=لو اعلم بالقلوب احط في خد الردي وسمي!!
نظامي مع رجال الطيب اقدرهـا واسامحهـا=تحصل قسمها فالطيب وانا ماغدا قسمـي!!
ابو لمار =
علوم الطيب بين الناس ينمي عن تسامحها=وسلم اهل الرديّه يالثبيتي فرق عن سلمي
رجال الطيب نعرفها وباليمنـى نصافحهـا=لكنك لاتقول ان العمـار يشابـه الهدمـي
النشمي =
انا مازكي اهل الدين لـو طالـت مسابحهـا=وانا ماذمهم والحكم حكم الله ماهو حكمـي!!
ماتنفعك الشيوخ اللي تعلق فـي مشالحهـا=ماتسمحلك رجال الامن تنقد لبسها الرسمي!!
ابو لمار =
رجال الدين والحسبه تبا شيخا" يناصحهـا=ولابه واحد" غيرك يناصحها حسب علمـي
شيوخ القوم ماتدري عن اللي في مطارحها=وشيخ القوم لو يدري ماظنه يرتضي الظلمي
النشمي =
رجال العلم فيها حلـم وادرى فـي مصالحهـا=تحكم الشور حزم وعزم وقت الحرب والسلمي!!
ترى راع الجمـال اللـي يضويهـا يسرحهـا=لكن انتـه تحلـم ماتحقـق لـك ولا حلمـي!!
ابو لمار =
صحيح اللي تقوله والعرب لقيت مطامحهـا=مطامح طيّبه للي طموحـه يمتلـك ختمـي
ترى الشاه الهزيله ياعميل الخير ماذبحهـا=عشا السرحان ماهو جيفة" مكسورة العظمي
سـلام الله سـلام" يدمـح الزلّـه ويمسحهـا
في حاله واحده لو جاتني الزلّه مـن النشمـي
انا مازكي اهل الدين لـو طالـت مسابحهـا
وانا ماذمهم والحكم حكم الله ماهو حكمـي!!
الله الله
قاااف رااائع
وشعار كبار
ومعنى يدور من حوالينا
وعسى ماهو علينا.
ابو لماااار
صح السانك مليوون
مبدع مبدع
النشمي
مبدع ورااائع
وشهادتي فيك مجروحه
صح لسااانك مليوون.
يابوفهد.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|