الحزن خيم وانتشر بين الاقطار =غطى جنوب المملكه والشمالي
والشرق ينشد ياهل العرف واش صار = هذا صحيح العلم والا خيالي
كيف العروس اللي لها صيت واذكار = تمسي عروس وصبح تنخى الرجالي
تشكي وتبكي ياعرب واين الاخيار = ردوا عليها ما بقى من دلالي
واخص بالشكوى على وافي الاشبار = خالد ولد فيصل كريم السبالي
جده تعرض للكوارث والاعسار = واللي تسبب ماحسب للتوالي
يقضي حياته بالتجول والاسفار = بين العواصم داله البال سالي
مايدري ان الوقت لو زان دوار = يدفع ثمن ما ذاق من كل حالي
هذي ترى جده لها عندنا كار = منزالها ياامير بالقلب عالي
نحبها يا امير ما مثلها دار = نعشق بحرها والسهل والجبالي
يا خادم البيتين يا نسل الاحرار = شكلت لجنه تعتني السؤالي
تبى الحقايق واين تصريف الامطار = واين المشاريع الكبار الجزالي
راحت هبا منثور في وجه الاخطار = بانت عقود الزيف والاحتيالي
تعطي وتجزل بالعطا سر واجهار = وتضيع بين المختلس والمعالي
مادام ابو متعب نوى كل بوار = تباشري يفداه حالي ومالي