سعود البرقاوي
تعال يالعمدة وعلمني وش علوم المطر= قالوا لي ان ديرتك ممطورة ونايشها بردي
هذا الخبر جاني ،، وانا ذا الحين ابا منك الخبر = عجّل عليه بالعلوم اللي معك يالاجودي
العمــــــدة
العلم كلـــــه يالنفــاعي مع بعيـــــدين النظر=هات القلم واكتب وعينك في سهيل وفالجدي
الحمد اللي يرحم العــــربان من بدو وحضر=راضين باقداره علينا وبنبيه نقتدي
سعود البرقاوي
جدة على جنب البحر لكنها راحت بحر =والدور يالعمدة على اهل المسفهلة واهل كدي
مسكين ياللي مابقى عنده جدى غير الصبر= حتى ايش لو انه مع المعرفة ماهو ردي
العمــــــدة
انته جحرت عن الخطر والناس ترعى فالخطر=تصول والدنيا نهايتها حديثً موكدي
واصلك دورك من صـــــواديف الليالي والعبر=لكن لا تشمت بخلق الله وخافه يا ولدي
سعود البرقاوي
ارفق على راسك ولاتضرب براسك في حجر= حنا ترانا قد تجاوزنا ،، وذكينا فدي
يابدو ياهل الابل واهل الضين وبيوت الشعر = ماتعرفون الفرق من بين الغمارة والبدي
العمــــــدة
اللي تجاوزته من الاركان في يوم النحر=ما ادركت جبره لو ذبحت ام الجدي وابو الجدي
سفينة المسكين فيها عيب قدّام الخضر=وان عابها ماهو عشان يصيح فوقه ويعدي
سعود البرقاوي
لاتلتمس لامن لمستك بالكلام المعتبر = العام منك اغسل يدي واليوم انا غاسل يدي
ياشاعر الروقة ترى ماعاد لك عندي عذر =دخلت لك في مشكلة والليل ليلٍ سرمدي
العمــــــدة
اللي ربح فالبورصة ماهوب مثل اللي خســر=هذا على ساقه يسير وذاك يمشي محتدي
يا سعود من سارت به اقدامه على الجمر الحمر=لا يحسب اللي من تحت رجلينه بساط احمدي
سعود البرقاوي
اللي عروقه فالثرى غصنه يبا يطلع خضر=وانته ماندري كيف قايل يارفيق الغامدي
من عدة ايام السنين احسب شهر واترك شهر=ويجيك بالتفصيل مطلوبي وغاية مقصدي
العمــــــدة
ابعدت محزم جنبك اللي فيه ينشد الظهر=الى متى صوته يردد يا شياطين اركدي
دم الجمل ماخوذ ومحلل بوسط المختبر=تلقى النتيجة جاهزة لا جيت حسب الموعدي
سعود البرقاوي
مالك صلاح من الكلام اللي تجيبه يابشر=لاصرت منت بمهتدي ،، نلقى بدالك مهتدي
أثرك يالعمدة سواة العلة اللي فالنحر = اشغلتنا واشغلت نفسك بالبعير الاربدي
العمــــــدة
نزلت في قبو القصر واغلقت مضياف القصر=وأمسيت ما تقدر على التمييز فابيض واسودي
انته نصيبً ينتعــــــــوذ منه في ليلة قدر=اواجهه وانا من البارود مالي مجندي