السلام عليكم ورحمة الله وبركاته
قصيده لمبدع الشاعر : مستور بن منسي المقاطي
وهي بعنوان (( دنيا العجب ))
وانشاء الله تنال علي رضاكم
..
يقطعك يا دنيا العجب والتعاجيب = مستور منه طرقتك قازي وعايف
يسعدبك الحصني ويشقابك الذيب =والعز عود للنفوس الضعايف
والروس طاحت والقدر للعراقيب = واليوم يبدي في طويل الشرايف
وين الرجال أهل الكرم والمو اجيب = ولآ الهلايم ما علاهم حسايف
وأهل الرمك راحو واهل شمخ النيب = والناس راحو فالمداين حلايف
راحو هل الصملات وأهل المشاعيب = واقفو اهل الحدب الحداد الرهايف
راسي تعرض للهوى والملاهيب = مار المعزه والنشاما ولايف
والطيب مقسومي وأنا وارث الطيب = والعين تنظر في طويل النوايف
وان جاني الطرقي كثير التراحيب = طبع الاهلنا فالسنين الطوايف
والمرجله ماهي ورى نافخ الجيب = خبل يحوص ولايحب الكلايف
المر جله للي يسد المطاليب = وظلال بيته يزينه كل خايف
فالوقت ماتصفي جميع المشاريب = وأعمارنا مثل الركاب النكايف
مار الصبر من حمكه أهل التجاريب = لو كان شفنا فالمطيه خلايف
تحياتي