مرجح الميزان
يابو لمااار اقرب وأنا بعلمك فن الحوار=يوم الحوار فـ /سلمكم يعني : جَمَل لكن صَغِير
الكلمه اللي تقبل الوجهين .. تحذف بإختصار=وليا رجدت ابها تحمل ذنبها مهما يصير
ابو لمار
انتم كفو مير المحايل عندكم فن وشعار = يوم الحوار اصغير بالله لاتحطونه كبير
ماني براعي مخطيه في سر ولا في جهار = يوم ان بعض الناس في درب النقاده تستدير
مرجح الميزان
النار قالوا مبتداها يالثقيفي من شرار=وأنته قدحت ولا سلمت امن الشرار اللي يطير
ما كل لقمه عندكم توكل تلقمها الحرار=الحر ما يقلط على الجيفه ولو إنه بعير ..!
ابو لمار
لو شوف عينك مايدلّك للطوال وللقصار = امّا ضرير العين ولا صدق ماعندك ضمير
تبغى ترقع يامرقع فالصغار وفالكبار = البحر الاحمر يالمقاطي فرق عن ذاك الغدير
مرجح الميزان
تبغا القرار اللي ولا بعده ولا قبله قرار ..!=اخذ المثال اللي يبا يجبر لك العظم الكسير
" البومه " فضلع الحجاز الطير لن وقع وطار=ولا الشمالي لا نشدته قال لك شي خطيررر
ابو لمار
قررت انا من بعدها لابدّ حسن الاختيار = اثر البلا يوم الغناوي حطّ حسبه للفقير
ضلع الحجاز الله يبارك فيك قمه وافتخار = من شفت زولك قلت هذا العرب ماجاب خير
مرجح الميزان
لو السواقه هينه ..! فالدرب ما شفنا كمار=في ددسنه ويجاكر الدنه على الخط العسير
ضلع الحجاز الله عليم إنه يبا يصبح دمار=وأنت السبب يومك تحذف اللي على حيده يسير
ابو لمار
هذا زمان اللي يحسب المرجله طبله وطار = وام الكباير لو تطبلّه بطبلتها يغير
هذا كلام بلا دلايل ياوكيل المستشار = الضلع لو طاحت حصاته تهدم الجدر القصير