ناصر الجلاه
يابن دحيم الليل ليلٍ سراميد = والستر ضافي والأوادم مقيمه !!
الرافضه تهرج هروج المناقيد = لكن محرومه عساها الحريمه !!
سلطان بن دحيم
ذياب حاظر في لزومك يا ابو زيد = والعز جعل الله علينا يديمه
الهرج ما والله يدرك مقاصيد = مافيه راس(ن) يرتفع بالنميمه
ناصر الجلاه
الدار في حكمة هل العز والفيد = أهل القنا وأهل النفوس الكريمه !!
بس القراده من نصيب المقاريد = اللي من العاده تشيل الهزيمه !!
سلطان بن دحيم
ترا النخل ما اسقاه غير المعاويد = ولا تنحسب فالوقت كسب وغيمه
الحر يشهر والحباري ملابيد = والخرب ما يقدر يذب الخريمه
ناصر الجلاه
شجره خبيثه تثمر الغل والكيد = وعروقها ساس الردى والذميمه !!
الذيب صيده جزل من نادر الصيد = مار البهيمه ماتغير بهيمه !!
سلطان بن دحيم
من قيده وقته وقصر له القيد = دايم دروبه ما تجي مستقيمه
الوقت ما ضيع حقوق الصناديد = خل اليتيم يمش دمع اليتيمه
ناصر الجلاه
بنيت لي بيتٍ على ميده وميد = ونحرت كبشين الكرامه وليمه !!
جعله يمر البيت قطعة تراديد = اللي وسمنا خدته بالوسيمه !!
سلطان بن دحيم
خطا تسل السيف للعبد يا سيد = ليتك تبيعه لو ماجاب قيمه
من حط نفسه شارة(ن) للعباريد = يبطي وجرحه ما برا في صميمه
ناصر الجلاه
ألا صواب الرأي مافيه تنديد = خله يداو جروحه المستديمه !!
اللي يلف يدور وقليبه سويد = ماهو بخصمٍ لي ولاني خصيمه !!
سلطان بن دحيم
ازيد لاشفتك يا بن عاصم تزيد = خشم العدو يا سهل سهل تخريمه
ترا الثعل يجحر لياه جاه ترديد = واللاش عد امه يا ناصر عقيمه