كبتن عتيبه =
تعال عطنا علومك ياكبير مطير صاهـود=بعد تسمَّيت باسمٍ من كبيرات الأسامـي!!
والعود الأول توفّى مير كم ذرّيـة العـود=ياللّي تقولون رأس العود جعله للرحامي!!
صاهوود =
العلم عندك وذكري داخل الارشيف موجود=لاتدعي فالجهل وانت اتعرفني يالتهامـي
صاهود طيبه لنا والطيب بين مطير مردود=لامات رامي يجي عقبه ثلاثين الف رامي
كبتن عتيبه =
ترى تهامه لهلها والديَّـر برجـال وحـدود=وعتيبه أهل الحجاز ونجد واصحى للكلامي!!
عزّي عن اللّي ليا منّه دخل في حلة الجـود=يرجع مع الباب قبل يرد للقوم السلامـي!!
صاهوود =
حنا اشركا والشراكه حبلها ويـاك ممـدود=الرؤؤس متساويه وانته مقامك من مقامـي
اشره علي راعي الحله ولا تتعب علي الزود=لولاه مامات الحلـه ولا عـاش الحرامـي
كبتن عتيبه =
الشعر واحد بدار آل الصباح ودار آل سعـود=ولا أنت بشريك الزلامي في طواريق الزلامي!!
اثرك من ذلّتك لاشفت نو ..و برق ..ورعـود=تنحاش من ذلتك ظامي وكنًّك ما أنت ظامي!!
صاهوود =
الشعر در وذهب والطق فالشعار منقـود=وانته ماشالله مع الغاوين فالصف الامامي
الصيف برقه هدي مايعقبه هملول وابرود=عساك تبقا من الاحيا واذكرك ابكلامـي
كبتن عتيبه =
ترى الجمال الكبار كبار والمفرود مفـرود=ماينشرى يالمطيري لين يطلع له سنامي!!
أعجبك صوت المقمع يوم تملأ شبر بارود=تعجبك فالعيد وتفشَّلك في يوم الزحامي!!
ابوفيصل
مسيك بالخير
عاش من سمع صوتك
والعيد مبارك مقدمآ
وصح لساااانك يالكبتن على هذا الابدااع
صاهووود
صح لساااانك
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|