كاظم الغيض
يبا يجهل عقل عاقل بلش في ناس بلشانه= بلش في ناس ماتفهم ولا تأخذ ولا تعطي
لو ان الارض تهرج قالت من الناس طفشانه = لكن الله قفل فمها وخلا وجهها حنطي
معجب العتيبي
يعيش بمجتمع واعي يشوف الناس باعيانه=لكنه ماقدر يفعل فعايلهم ولايسطي
يحط اللوم في غيره يعض شفاه باسنانه=ولامنك نشته قال انا في ماقفي شرطي
كاظم الغيض
نبا نغظي عن التقصير فالوقفه على (شانه) = وادور له عذر واقول مابه نفس ما تخطي
وراك تنزل ارخام القصر وتزيد كيشانه = تقارن خطوة الكاسر بخطوة قطة(ن) تقطي
معجب العتيبي
اخاف يكرّها ويعيدها ويغير الوانه=ويرجع في دروبن ياعميلي عاشها مبطي
ترا راع الذهب يصرف ذهب مااختل ميزانه=يقدم كل ماعنده يجود وربه المعطي
كاظم الغيض
تقول تخاف والخواف ماقد صاب نيشانه =ليا حدتك بقعا قل لبقعا شيلي ووطي
ليا ضاق المطيري رضوته من عند دوشانه= ولن ضاق العتيبي لايكسر موتره خطي
معجب العتيبي
والا يا اصحابنا لاتسمعونه . زاد بألحانه=واضن المشكله عنده بنوع اللفظ والخطي
يسدك عن كثير الهرج قول(ن) زان تبيانه=واضن المخطي اللي يفتهم مايلحقه بطّي