العازمي
اسرجت قنديل الشعر فوق الفتايل بالزنود = مار ازهمو شاعر ثبيت اللي يسمّونه علي!!
جا فالمثايل يعقل القاله من العقّال عود = والنشمي الظاهر معه وجهة نظر فيما يلي!!
النشمي
الشعر بدع ورد يصرف مثل تصريف النقود=انته تناديني وانا جيتك على الوجه الجلي!!
ادخل على الموضوع واحذر لا يجي نقصن وزود= يالله عسى حضي وحضك يابن عاصي معتلي!!
العازمي
الليله المعنى يعز النفس وتطّيب الكبود = يافيض عدّ الغيض والا لاتغيض وتمتلي!!
هداج قدم الورد ماه . رشاه من قيد القعود = مافيه داعي للحبال اللي تموحبها الدلي!!
النشمي
الليل عجل والمعاني خلها ترقا سنود=انته يابن عاصي عريف ونار صدرك تصتلي!!
ورماح يذكر عد راهي للصوادر والورود=ياطيب عيد اليا تمثل فالمثل ماله حلي!!
العازمي
بديت بالعلم الثمين وشرهتي فوق الوجود = لولاك يالنشمي كفو . ماكان سقتلك جملي!!
البيت مايثبت ليامن شيل من وسطه عمود = اسمع كلامٍ مايعرّض صاحبه جرد الخلي!!
النشمي
الليله المعنى غدا بين النصايب واللحود=وعلمك هذا خله على غيري يمر وينطلي!!
ترى كلام العقل واهل العرف مايبغى شهود=يالعازمي معروف منزالك ويعرف منزلي!!
العازمي
الليله المعنى على المكشوف يالقلب الجحود = وعن الكلام اللي مكدّر خاطرك ماقلت إلي!!
لاعاد تمزر من جنوبك . وانت مفتول العضود = سود الليالي غيبها غدار ربعي ياهلي!!
النشمي
الك سنه تصحى على صوت المدافع والفرود=ويشهد على ماقول لو تجحد مطاري وهذلي!!
لا والله الا قنبعت بين الحضارم والزيود= وانته مع اي المذهبين الشافعي والحنبلي!!
العازمي
الجهل مايبني بيوت ولايسود اطلق حسود = انشر وتوجر ياسفير عتيبه لديرة بلي !!
كلمتك وحده لو ترددها سنه مافيه فود = ماهيّض العشّاق يالنشمي صفير البلبلي!!
النشمي
اعبد كريم الوجه خلاق البشر خير امعبود= وقلوب بعض الناس فيها الحقد يطبخ ويغلي!!
نمشي على وضح النقا المجرود والسيف امحدود= وانته معك سكين ماتشبعك من ذيل الطلي!!