عقاب العنزي
ياسلطان الجذع قوم وتقدّم ياسفير القوم = عسى لامن وقفت عتيبه الهيلا تشرّفها
انا فيما مضا بيني وبينك يالخويّ علوم = وانا ماودي اذكر لك علوم ٍ وانت عارفها
سلطان الجـذع
أقوم وياعساك الشاعر اللي يستحق أقوم = على شانه ... وامثل لي قبيلة في مواقفها !!
ترى مابيننا الا مثل مابين العرب والروم =ولكن رقبتك لسلة السكين طرفها !!
عقاب العنزي
بعد مستور وحبيّب وابن مورق واخوه التوم = يتامى القوم ياسلطان ماتلقى مصارفها
علومك كل عام تعاد في مجرا الشهر واليوم = انا ماعاد لي حيله على الناس وتخلّفها
سلطان الجـذع
سما نجد العذيه يابن وايل كلبوه نجوم = لكن انته عمى مدري حوّل ماانته بشايفها !!
تدوم علومنا للوقت كله والصحيح يدوم = لاتنقص في موازين الكلام ولا تطففها!!
عقاب العنزي
اظن نجومكم اليا احتمت للماقف المزعوم =يكفّيها من عدود الروا كاسه ونغرفها
وقف في وجهكم واحد نفر وانتم ثمان قسوم = وذيك جموع ينثرها وذيك جموع ينسفها !!
سلطان الجـذع
انا ماابغاك بعد الصوم تفطر بالبصل والثوم = ترى بعض السوالف ماتجمّل من يسولفها!!
على سعر الحصا والله مانبغى يزيد السوم = عشان نلقم كلاب العرب والا نحذفها !!
عقاب العنزي
رى ياصاحبي بالناس معطى وبالبشر محروم = لكن ّ ودك تجمّع طيّب العالم وتالفها
ترى كلمتك ماتنقص عزوم ولاتهد عزوم = ابو زيد الهلالي عزوته بالفعل شرّفها
سلطان الجـذع
على كف الزمان الذيب يسري والطيور تحوم = تطلّع زين مع كم العباة اللي تلحفها!!
من التجميل والتعديل خد الغانيه موشوم = وضعيف العقل هاضه زينها وامسى يوصفها !!
عقاب العنزي
على كف الزمان انياق تبرك والفحول تقوم = ياراع الموتر اللي ماركد بالخط رفرفها
اثر قلبك يغيض اليا ذكرنا الموقف المشؤوم = ياكم سربه ليا حان اللقا واجه ووقفها !!
سلطان الجـذع
انا لولايه اطبق وصية جدي المرحوم = ابا اجاري خبول الناس واضحك مع ملقفهّا !!
تراك صغير في بعض الدعاوي ماانته بلمزوم = ليا منك كبرت شوي تدركها وتعرفها !!